ەل پرەزيدەنتى نۇرسۇلتان نازاربايەۆتىڭ ۇشاعى ەڭ قىمبات لاينەرلەر تىزىمىنە كىردى

چارتەرلىك تاسىمال بويىنشا الەمدىك كوشباسشى Air Charter Service كومپانياسى الەم ليدەرلەرى قاتىنايتىن اۋە كەمەلەرىنىڭ ءتىزىمىن جاريا ەتتى، - دەپ جازدى ەۋرازيا ءبىرىنشى ارناسى حابارلادى.

سونىمەن، ەڭ قىمبات لاينەر كاتار ءامىرى تاميم بين حاماد ءال تانيدە ەكەن. باعاسى 1,5 ميلليارد دوللار. ەكىنشى ورىندا، ەير فورس ۇشاعىنىڭ يەسى دونالد ترامپ.

اق ءۇي قوجايىنىنىڭ اۋە كەمەسى 1 ميلليارد دوللار تۇرادى ەكەن. ال، ءۇشىنشى ورىنداعى رەسەي پرەزيدەنتى ۆلاديمير پۋتين مىنەتىن لاينەردىڭ قۇنى 500 ميلليون دوللار.

انگەلا مەركەل 300 ميلليون دوللارلىق لاينەرمەن قاتىناسا، فرانسيانىڭ ەكس-پرەزيدەنتى فرانسۋا وللاند 270 ميلليون ا ق ش ۆاليۋتاسى تۇراتىن ەيرباستى قولدانادى. التىنشى ورىنعا بىردەن ءتورت ەل كوشباسشىلارىنىڭ ۇشاعى جايعاسقان.

بۇل ەلباسى نۇرسۇلتان نازاربايەۆتىڭ ءنومىرى ءبىرىنشى بورتى. قازاقستان پرەزيدەنتىنىڭ لاينەرىمەن ءبىر ساتىدا قىتاي باسشىسى شي جينپيڭ، بريتانيا پرەمەرى تەرەزا مەي جانە باحرەين پاتشاسى حاماد يبن يسا ءال حاليفانىڭ ۇشاقتارى جايعاسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى