اقتاۋدا پروكۋرورلار مۇگەدەك جاننىڭ پاتەرىن قايتارىپ الۋىنا كومەكتەستى
مۇگەدەك جان ءوزىنىڭ قامقورشىسىنان ايىرىلعان سوڭ باسپاناسىز قالا جازدادى. كەيىن بەلگىلى بولعانىنداي، ول مەملەكەتتەن زاڭدى تۇردە پاتەر العان جانە ونى ءوزىن اسىراپ وتىرعان باۋىرىنىڭ اتىنا راسىمدەگەن.
ونىڭ ۇستىنە مۇگەدەك جاندى قامقورلىعىنا العان ازاماتتىڭ دا تەگى ماحمۋدوۆ بولعان. «1996 -جىلى قامقورشى- ماحمۋدوۆ قايتىس بولعان، ال مۇگەدەك جاندى قامقورلىعىنا ونىڭ تاعى ءبىر تۋىسى العان جانە ونىڭ دا تەگى ماحمۋدوۆ بولعان. ءمان- جايدى تەكسەرگەن اكىمدىك قىزمەتكەرلەرى پاتەر يەسى ماحمۋدوۆتىڭ قايتىس بولعانىن انىقتايدى. مۇنداي جاعداي دا پاتەر يەسىز بولىپ سانالادى جانە ول كوممۋنالدىق مەنشىككە قايتارىلۋى ءتيىس»، - دەپ حابارلادى پروكۋراتۋرا وكىلدەرى.
وسىلايشا، باسپاناسىنان ايىرىلعان جان امالسىز پروكۋراتۋرا قىزمەتكەرلەرىنەن كومەك سۇراۋعا ءماجبۇر بولادى. قاداعالاۋشى ورگاننىڭ وكىلدەرى اكىمدىك قىزمەتكەرلەرىنە مۇگەدەك جاننىڭ پاتەر الىپ، الايدا قامقورشىسىنىڭ قايتىس بولۋىنا بايلانىستى باسپاناسىز قالعانىن دالەلدەپ بەردى. ال بۇل ۋاقىتتا پاتەر مەملەكەت مەنشىگىنە قايتارىلىپ قويعان. سوندىقتان مۇگەدەك جانعا ونى نولدىك پروتسەنتتىك ستاۆكامەن جەكەشەلەندىرىپ الۋىنا مۇمكىندىك جاسالدى. «ءبىز قالا اكىمدىگىنىڭ داۋ تۋعىزىپ وتىرعان پاتەردى قامقورشىنىڭ قايتارىمسىز جەكەشەلەندىرۋىنە قول جەتكىزدىك»، - دەپ ءتۇسىندىردى پروكۋراتۋرا وكىلدەرى.
