س. سەيفۋللين اتىنداعى قازاتۋ بازاسىندا قازاقستاندىق- قىتايلىق زەرتحانا قۇرىلادى
ونىڭ سوزىنە قاراعاندا، بۇگىندە اليانس قۇرامىنا ەۋروپانىڭ ت م د ەلدەرىنىڭ، قىتاي، اراب ەلدەرىنىڭ 60 جوعارى وقۋ ورنى كىرەدى.
«بۇل نەلىكتەن ءبىز ءۇشىن ماڭىزدى بولىپ وتىر؟ سەبەبى جىبەك جولى ەلدەرىنىڭ تابيعي- كليماتتىق جاعدايى وتە ۇقساس. مەملەكەت باسشىسى ۆەلوسيپەد ويلاپ تابۋدىڭ قاجەتى جوق، الەمدە بار دۇنيەلەردى الۋ كەرەك دەپ تاپسىرما قويعان بولاتىن. ياعني جاسالعان اگروتەحنيكالاردى، وسىمدىك سۇرىپتارىن، جانۋارلاردىڭ تۇقىمىن ءبىزدىڭ جاعدايىمىزعا بەيىمدەۋ قاجەت. مۇنى جاساۋ ەندىگى ۋاقىتتا وڭاي بولماق. بۇگىندە ءبىز وسى ىسپەن اينالىسىپ جاتىرمىز»، - دەدى ول.
ونىڭ سوزىنە قاراعاندا، قازىرگى ۋاقىتتا ەلىمىزگە ءتۇرلى اۋىل شارۋاشىلىعى داقىلدارىنىڭ 38 سۇرىپى اكەلىنگەن.
«ەندىگى ۋاقىتتا قىتايلىق ارىپتەستەرىمىزبەن بىرلەسكەن ۆەتەرينارلىق زەرتحانا جاساۋدامىز، اگروينجينيرينگ ورتالىعىن قۇردىق. بۇل قىتايلىق ارىپتەستەرىمىزدىڭ ءبىزدىڭ ونىمدەردى باعالاۋى ءۇشىن جاسالىپ جاتىر. ەتىمىز بەن ورگانيكالىق ونىمدەرىمىزدى قىتايعا ەكسپورتتاۋداعى باستى پروبلەما - ونىمىمىزگە كونسەرۆاتيۆتى قارىم- قاتىناستىڭ بولۋى. قىتايدىڭ كوپتەگەن بيزنەسمەنى ءبىزدىڭ ونىمدەرىمىزدى بىلمەيدى. تۋراسىن ايتساق، ونىڭ ساپالى ەكەندىگىنە سەنبەيدى. سوندىقتان قازاقستاندا قىتايلىق عالىمدارمەن بىرلەسىپ ورگانيكالىق اۋىل شارۋاشىلىعى، ۆەتەريناريا بويىنشا بىرلەسكەن زەرتحانا قۇرۋدى ۇسىنامىز. ولار ءبىزدىڭ پروفەسسورلارىمىزبەن بىرگە ءونىم ساپاسىن تەكسەرەتىن بولادى. مىنە سول كەزدە قىتايلىق بيزنەسمەندەرگە ونىمدەرىمىزدى ۇسىنىپ، ول ەكسپورتقا جىلدام شىعارىلادى»، - دەدى اقىلبەك كۇرىشبايەۆ.
ۋنيۆەرسيتەت باسشىسىنىڭ ايتۋىنشا، اتالعان زەرتحانا وسى ايدىڭ ىشىندە ق ح ر اۋىل شارۋاشىلىعى مينيسترلىگىنىڭ قازاقستانعا ساپارى اياسىندا اشىلادى.
«ال ورگانيكالىق اۋىل شارۋاشىلىعى ونىمدەرىن سەرتيفيكاتتاۋ زەرتحاناسىن كەلەسى جىلدىڭ باسىندا اشۋدى جوسپارلاپ وتىرمىز. بەيجىڭدە قىتايدىڭ عىلىم جانە تەحنولوگيا ءمينيسترىنىڭ جەكە قابىلداۋىندا بولدىم. ول ءبىزدىڭ باستامامىزعا قولداۋ ءبىلدىرىپ، قىتايدىڭ قارجى بولەتىندىگىن ايتتى. ءبىز زەرتحانا ۇيىمداستىرامىز. مەنىڭشە ول بىرنەشە ميلليون دوللاردى قۇرايدى. زەرتحانا س. سەيفۋللين اتىنداعى قازاق اگروتەحنيكالىق ۋنيۆەرسيتەتى بازاسىندا قۇرىلادى»، - دەدى كۇرىشبايەۆ.
اۆتور: مارلان جيەمباي
