مەرۋەرت تۇسىپبايەۆا: اللا تاعالا ماعان سۇلۋلىقتى اياماي بەرگەن
بۇل جولى تۇسىپبايەۆا بەتىن بوياۋدان بوساتپايتىن ارىپتەستەرىن سىنادى، - دەپ جازدى Stan.kz.
«مەن جاساندىلىققا قارسىمىن. ارينە، ونەر ادامى بولعاندىقتان ساحنا تالاپتارىنا كونۋگە تۋرا كەلەدى. ەگەر بويانباساق، جارق- جۇرق ەتكەن جارىق پەن كامەرا ءبىزدىڭ سۇلۋلىعىمىزدى جەپ قويادى. سوندىقتان، ۇنەمى كاسىبي ۆيزاجيست مامانداردىڭ كومەگىنە جۇگەنەمىز.
ال، كۇندەلىكتى ومىردە مۇلدەم بويانبايمىن. مەنى بوياۋسىز كورگەن تىڭدارماندارىم: «قانداي كىشكەنتايسىز؟ ! وتە جاس كورىنەسىز» دەپ تامسانىپ جاتادى. اللا تاعالا ماعان سۇلۋلىقتى اياماي بەرگەن. كوزىم ۇلكەن، قاباعىم ۇزىن. كەي ارىپتەستەرىم سەكىلدى كۇندىز- ءتۇنى بويانىپ جۇرگىم كەلمەيدى.
ورازا كەزىندە اۋىزاشارعا بەس باتپان بوياۋ جاعىپ كەلگەن ونەر ادامدارىن كورگەن كەزدە مەن تاڭ قالدىم. ءوزىم ورازا كەزىندە مۇلدەم بويانبادىم. ستۋدەنتتەرىمە دە «جاساندىلىقتان اۋلاق بولىڭدار» دەپ ايتىپ وتىرامىن. قازىر ەمتيحان كەزىندە ۇلكەن ۇستازدارىمىز كەيبىر قىزدارعا «ەرتەڭ بويانباي كەل» دەپ قايتارىپ جىبەرەدى.
سەبەبى، كىمنىڭ سۇلۋلىعى قانداي ەكەنىن شاتاستىرىپ الاتىن زامان بولدى عوي. ارينە، مەن 45 تەن اسقان ايەل بولعاندىقتان، مىندەتتى تۇردە كوسمەتولوگقا بارامىن. ارنايى پروتسەدۋرالار جاساتامىن. ءبىراق، پلاستيكالىق وپەراتسيا دەگەنگە ءۇزىلدى- كەسىلدى قارسىمىن» ، - دەيدى ءانشى.
تۇسىپبايەۆا ءوزىنىڭ قازىرگى كەلبەتى مەن سىمباتىنا كوڭىلى تولمايتىنىن ايتادى. سەبەبى ول ءوزىن سەمىز سانايدى. ال ارىق بولىپ ءجۇرۋ ءۇشىن كۇندىز- ءتۇنى جەگەن تاماعى مەن قيمىل- قوزعالىسىن باقىلاۋدا ۇستايدى ەكەن.
«بۇل ماعان قانمەن كەلگەن سۇلۋلىق دەسەم بولادى. اكەمنىڭ قوسى قارىنداسى بار. جاستارى ۇلكەن بولسا دا، دەنە پىشىندەرى بالەرينا قىزداردان كەم ەمەس. مەن دە تابيعاتىمنان ارىقپىن. ءبىراق، جاس ەسەيگەن سايىن گورمونالدى وزگەرىستەر بولادى. ونى مويىنداۋ كەرەك.
قازىر كىشكەنە تولا باستادىم. بىرەۋلەر ءۇشىن ارىق كورىنەتىن شىعارمىن. الايدا، ءوز- وزىمە كوڭىلىم تولمايدى. سوندىقتان، مىندەتتى تۇردە فيتنەس زالعا بارىپ، جاتتىعۋ جاسايمىن. كوكتەمنەن باستاپ ۇزبەي كەلۋگە تىرىسىپ ءجۇرمىن. ال، ۇنەمى ادەمى ءارى ارىق كورىنۋ ءۇشىن مەنىڭ جاتتىقتىرۋشىم ءبىر عانا قاعيدانى ايتادى: «تاماق، تاماق، تاماق» .
ەڭ ءبىرىنشى اۋىزدى تىيۋ كەرەك. سوسىن كوپ قوزعالىس كەرەك. مەن دە بۇرىنعىداي تۇندە كەلىپ، توڭازىتقىشتى اشىپ، كەز- كەلگەن تاماقتى جەپ، ۇيىقتاپ قالمايمىن. جەيتىن تاماقتارىمنىڭ قۇرامىنا، مايلىلىعىنا ەرەكشە ءمان بەرەمىن» ، - دەيدى تۇسىپبايەۆا.
ءانشى سەمىرىپ الىپ، جاسىنا جەتپەي سۇلۋلىقپەن قوشتاسقان كەلىنشەكتەردى تۇسىنبەيدى. مەرۋەرت ءۇشىن ولاردىڭ ءبىر عانا انىقتاماسى بار ول «جالقاۋ، اشقاراق» ايەلدەر.
«مەن تياناقتىلىق پەن جاۋاپكەرشىلىكتى جاقسى كورەمىن. ارينە، اۋىر- اۋىر تەمىرلەردى كوتەرۋ، جۇگىرۋ، سەكىرۋ وڭاي ەمەس. ءبىراق، ءوزىمدى قيناپ بولسا دا جاسايمىن.
سەبەبى، جاتتىعۋ زالىنا كەلگەن دەنەسىندە ءبىر ءمىنى جوق قىزداردى كورگەن كەزدە ءوزىمدى جەك كورىپ كەتەمىن. ءوزىمدى سەمىز سەزىنەمىن. ونىڭ ۇستىنە مەن اقشا تولەپ بارامىن. جاتتىقتىرۋشى مەنىمەن جۇمىس جاساعانى ءۇشىن اقشا الادى. ياعني، ەكىنشى جاقتىڭ شارتتارى دا، ماقساتتارى دا ءبىر.
ول - ناتيجە. كوپ ايەلدەر جاتتىعۋ زالىنا بارۋعا اقشا جوق دەيدى. ول وتىرىك سىلتاۋ. ەڭ ارزان اقشامەن دە جاتتىعۋ زالىنا بارۋعا بولادى. ءتىپتى بولماسا، ءوزىنىڭ ءۇيىنىڭ اينالاسىندا جۇگىرسىن.
ۇيدە ءتۇرلى جاتتىعۋلار جاساسىن. ەگەر ادام قالاسا، امالىن تابادى. سوندىقتان، مەن بارشا قىز- كەلىنشەكتەرگە ارىق بولىڭىزدار، ۇنەمى وزدەرىڭىزبەن جۇمىس جاساڭىزدار جانە تابەتىڭىزگە تىيىم سالىڭىزدار دەپ كەڭەس بەرەمىن» ، - دەيدى مەرۋەرت تۇسىپبايەۆا.
