تۇماۋعا قارسى اۋىرتپايتىن ەكپە-پلاستىر - فوتو، ۆيدەو

جۋىردا عانا سىناقتان وتكەن ميكروينە ءوزىنىڭ تيىمدىلىگىن كورسەتتى. بۇعان قوسا، مۇنداي پلاستىردى وزىڭمەن بىرگە الىپ ءجۇرۋ، تاسىمالداۋ، ساقتاۋ الدەقايدا وڭايعا سوعادى كادىمگى شپريتسكە قاراعاندا. ياعني، شپريتسكە قاراعاندا قاۋىپسىزدىگىمەن ەرەكشەلەنەدى.

ءبىز ءسوز ەتىپ وتىرعان پلاستىر كادىمگى لەيكوپلاستىر سەكىلدى تەرىڭىزگە جابىستىرىپ الاسىز. ال ونىڭ ينەلەرى قان تامىرلارىنا ەنگەننەن كەيىن از ۋاقىتتىڭ ىشىندە ەرىپ كەتەدى. ءبىر ايتا كەتەرلىگى، ونى پايدالانباي الىپ جۇرگەنىڭىزدە قۇرعاق ۇستاۋ كەرەك ءارى سالقىن تەمپەراتۋرادا ساقتاۋ ءتيىس.

ەشقانداي جاناما اسەرى، بىلايشا ايتقاندا، دەنساۋلىققا زيانى جوق. ونى پايدالانىپ بولعان سوڭ قورشاعان ورتاعا نەمەسە ادامعا زيانىن تيگىزەدى دەپ قورىقپاي قوقىس جاشىگىنە تاستاي سالۋىڭىزعا بولادى. بۇل پلاستىر ەكپە الۋ ءۇشىن دارىگەرگە باراتىن ۋاقىتىڭىزدى ۇنەمدەيدى. بارلىق جاعىنان قولايلى.

ايتا كەتەيىك، بۇل پلاستىر 2015 -جىلدان بەرى سىنالىپ كەلەدى. باستاپقىدا سىناققا جاسى 18 دەن 49 جاسقا دەيىنگى 100 ادام قاتىسقان. كەيىن ولار تۇماۋمەن مۇلدەم اۋىرمايتىن بولىپ الدى. مامانداردىڭ ايتۋىنشا، ەگەر قۇرعاق جانە سالقىن جەردە ساقتالسا، ميكروينەدەگى ەكپە ءبىر جىلدان اسا مەرزىمگە جارامدى بولادى. وسىنداي جەتىستىكتەرىنە كوز جەتكىزگەن ماماندار الداعى ۋاقىتتا شەشەك، ت. ب. اۋرۋ تۇرلەرىنە قارسى وسىنداي ەكپە جاساۋعا بەل بۋىپ وتىر. بۇل جاڭالىقتىڭ ناتيجەسى The Lancet عىلىمي باسىلىمىندا جارىق كوردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى