سەگىز عاسىردان استام تاريحى بار شىركەۋ وتقا وراندى
بۇل جايلى جۋرناليستەرگە جەرگىلىكتى ورتتەن قورعاۋ قىزمەتكەرى داريۋش شيمۋرا مالىمدەدى، دەپ حابارلايدى ريا نوۆوستي.
«گوجۋۆە- ۆەليكوپولسكي قالاسىنداعى كونە شىركەۋ مۇناراسىندا تۇتانعان جالىندى اۋىزدىقتاۋعا بىرنەشە ونداعان ءورت ءسوندىرۋ قىزمەتتەرى جۇمىلدىرىلدى»، - دەدى شيمۋرا.
ول ءورتتىڭ سەنبى كۇنى كەشكىسىن شىققاندىعىن ايتتى، ال قازىرگى ۋاقىتتا تۇتاستاي سوندىرىلگەن، ونىڭ تارالۋ قاۋپى جوق. سونىمەن قاتار، ءورت سوندىرۋشىلەر ءتىلسىز جاۋدى اۋىزدىقتاۋ بارىسىندا شىركەۋ شاتىرىنان سۋ مەن ءورت ءسوندىرۋ كوپىرشىگىن تاسىمالداۋعا ارنالعان شاعىن ساڭىلاۋ جاساۋعا تۋرا كەلگەندىگىن ايتتى.
