وزگە وڭىرلەرگە كوشۋگە جول اشىق - تامارا دۇيسەنوۆا

دەپ حابارلايدى مينيسترلىكتىڭ رەسمي سايتى.

 «وتكەن جىلى ىشكى كوشىپ- قونۋشىلار سانى 610 مىڭ ادامنان اسىپ ءتۇسىپ، 2010 -جىلمەن سالىستىرعاندا 1,7 ەسەگە وسكەن. وسى ورايدا جۇمىس بەرۋشىلەر ۇسىنعان 26 مىڭنان استام جۇمىس ورنى بوس قالدى. ۇكىمەت تاراپى جەكە ءىس اشۋعا نەمەسە قولدانىستاعى بوس جۇمىس ورىندارىنا ورنالاسۋعا مۇمكىندىك بەرەتىن سۇرانىسقا يە ماماندىقتارعا وقۋعا كومەكتەسىپ كەلەدى. بۇل رەتتە، بيىلعى ۇلتتىق ءبىرىڭعاي تەستىلەۋدەن قاجەتتى ۇپاي جيناي الماعان تۇلەكتەر، مەملەكەت ەسەبىنەن 2,5 جىل بويى تەحنيكالىق جانە كاسىبي ءبىلىم بەرۋ مەكەمەلەرىندە تەگىن وقي الادى. ستۋدەنتكە وقۋ اقىسىن تولەپ بەرۋدەن بولەك، ىستىق تاماق، ۇلگەرىمىنە قاراي شاكىرتاقى، ال قالا سىرتىنان قاتىنايتىندارعا جول مەن تۇرۋ شىعىنىن وتەيتىن قارجى قاراستىرىلعان. دەمەك وزگە وڭىرلەرگە كوشۋگە جول اشىق»، - دەپ اتاپ ءوتتى مينيستر وبلىستىڭ جاڭا تۇرعىندارىمەن كەزدەسۋى بارىسىندا.

حالقى تىعىز ورنالاسقان وبلىستاردان ءوز ەركىمەن كوشۋگە نيەت بىلدىرگەندەرگە، مەملەكەتتىك قولداۋ شارالارى رەتىندە، كوش شىعىندارىن جابۋعا، باسپانا جالداۋ مەن كوممۋنالدىق قىزمەتتەردى تولەۋگە سۋبسيديا بەرۋ كوزدەلگەن.

سونداي- اق ءمينيستردىڭ قىزىلجار اۋدانىنا ساپارىنان تىس، حالىققا الەۋمەتتىك- ەڭبەك سالاسىنداعى رەفورمالاردى ءتۇسىندىرۋ بويىنشا ءبىرقاتار ءىس- شارالار، شالعاي ەلدىمەكەن تۇرعىندارىنا مەملەكەتتىك قىزمەتتەردى وبلىس ورتالىعىنا سابىلماي- اق الۋدى قامتاماسىز ەتەتىن «ە- حالىق» جۇيەسىن پايدالانۋعا قاتىستى اۋداندار مەن اۋىلدىق وكرۋگتەر اكىمدەرىمەن كەزدەسۋى جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى