استاناعا سارمات پاتشايىمىنىڭ قابىرىنەن تابىلعان بىرەگەي جادىگەرلەر اكەلىندى
دەپ حابارلايدى «قازاقپارات» ح ا ا ءتىلشىسى.
ورىنبور گۋبەرناتورلىق تاريحي- ولكەتانۋ مۇراجايىنىڭ ديرەكتورى يۆان مەنشيكوۆتىڭ ايتۋىنشا، 2013 -جىلى تابىلعان جادىگەردىڭ تاريحي قۇندىلىعى شەكسىز جانە ونى اۋىزشا «سارمات پاتشايىمى» دەپ اتاپ كەتكەن.
«ءسال شەگىنىس جاسار بولساق، بۇل قورعاندا 1987 -جىلى قازبا جۇمىستارى جۇرگىزىلگەن جانە وندا ۋفالىق ارحەولوگ قۇمىرالار، اعاش توستاعاندار، بۇعىنىڭ مۇسىندەرى سىندى جۇزدەگەن التىن بۇيىمدار تاپقان ەدى. رەستاۆراتسيادان كەيىن بۇل بۇيىمدار الەمدىك ساپار جاسادى. وكىنىشكە وراي، قورعان تۇگەل قازىلمادى جانە 2013 -جىلى عانا قورعاندى تولىق زەرتتەۋ تۋرالى شەشىم قابىلداندى. سول جىلى 3 مەتر تەرەڭدىكتەن كەزدەيسوق قورعان تابىلدى. ونى قازعاندا ءوز كوزىمىزگە ءوزىمىز سەنبەدىك - تۇتاس قورعان باعالى بۇيىمدارعا تولى جانە تابىلعان پاتشايىمنىڭ كيىمى التىن جاپسىرمالارمەن كومكەرىلگەن. جالپى سانى مىڭنان استام بۇيىم تاپتىق»، - دەپ ءتۇسىندىردى ول.
مەنشيكوۆ ايەل كيىمىنىڭ دە ءسان- سالتاناتتى ەكەنىن اتاپ ءوتتى. زەرتتەۋشىلەر «سارمات پاتشايىمىنىڭ» نە كيگەنىن سول كۇيى انىقتاي المادى - حالات نەمەسە جامىلعى دەگەن بولجام بار.
«كيىمگە التىننان قۇيىلعان وزگەشە «تۇيمەداقتار» تىگىلگەن. ولاردىڭ سانى 600-گە جەتەدى. جەڭدەرى اڭ ستيلىندە مايدا مونشاقتار تىگىلگەن، ءبىراق ناقتى نەنىڭ بەينەسى ەكەنىن انىقتاي المادىق. شامامەن، جىرتقىش اڭنىڭ تاۋەشكىنى جاۋكەمدەپ جاتقانى كورسەتىلگەن ءتارىزدى»، - دەدى رەسەيلىك عالىم.
قورعاننان تابىلعان اشەكەي بۇيىمدار جانە ولاردىڭ سانى دا جەرلەنگەن ايەلدىڭ اقسۇيەك اۋلەتىنەن شىققانىن ايشىقتاي ءتۇستى.
«ايەلدىڭ ءار ساۋساعىنداالتىننان قۇيىلعان جۇزىكتەر بولدى. ودان بولەك، قوس بىلەگىندە التىن مەن باعالى تاستاردان جاسالعان بىلەزىكتەر بولدى. سونداي- اق، ايەل جانىنان كۇمىس ىدىستار، جەبە ۇشتارى جانە اينا تابىلدى»، - دەديدى مەنشيكوۆ.
ەسكە سالا كەتسەك، بۇگىن ق ر ۇلتتىق مۋزەيىندە «ساق التىنى» ءتۇپنۇسقا ارتەفاكتىلەردىڭ حالىقارالىق كورمەسى اشىلدى. وندا ب. ز. د. VII- II ع ع. ساق مادەنيەتىنە تيەسىلى ق ر ۇلتتىق مۋزەيى، ورىنبور گۋبەرناتورلىق تاريحي- ولكەتانۋ مۇراجايىنىڭ جيناقتارىنىڭ جانە اتاقتى قازاقستاندىق رەستاۆراتور قىرىم التىنبەكوۆتىڭ كوللەكسيالارىنىڭ ۇزدىك جادىگەرلەرى قويىلعان.
اۆتور: ايجان سەرىكجان قىزى
