ەكسپو: «قورعاستىڭ» ونەركاسىپتىك جانە كولىكتىك الەۋەتى تانىستىرىلدى

 بۇل جايىندا «قازاقستان تەمىر جولى» كومپانياسىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

 تۇساۋكەسەر راسىمىندە ءسوز سويلەگەن ق ر پارلامەنت ءماجىلىسىنىڭ دەپۋتاتى ازات پەرۋاشيەۆتىڭ ايتۋىنشا، «قورعاس» قازاقستان مەن قىتاي مەملەكەتتەرى اراسىنداعى ءوزارا ءتيىمدى ىنتىماقتاستىقتىڭ جانە تاتۋ كورشىلىكتىڭ تاريحي كۋاگەرى بولىپ سانالادى. سونىمەن قاتار ول «قورعاس ح ش ى و» بولاشاعى شەكارالىق سەرىكتەستىك اياسىن كەڭەيتە تۇسۋدەن، ساۋدا- ەكونوميكالىق بايلانىستاردى دامىتۋدان كورىنەتىندىگىن اتاپ ءوتتى.

 «قازىرگى تاڭدا قورعاس كوپسالالى حاب رەتىندە تانىمال. ونىڭ قۇرامىندا تەمىرجول، اۆتوجول وتكەلدەرى، اۋە تاسىمالى، گاز قۇبىرى، تۋريستىك ساياحات مۇمكىندىكتەرى قاراستىرىلعان. «قورعاس- شىعىس قاقپاسى» ا ە ا قۇرىلىسىمەن بىرگە «نۇرلى جول» باعدارلاماسى، «جىبەك جولى ەكونوميكالىق بەلدەۋى» تۇجىرىمداماسى بىرلەسكەن تۇردە جۇزەگە اسىرىلۋدا»، - دەيدى قورعاس قالاسىنىڭ مەرى مۋرال ءابىلماجين.

 تۇساۋكەسەر راسىمىنە قاتىسۋشىلار «قورعاس ح ش ى و- نىڭ» ونەركاسىپتىك جانە كولىكتىك الەۋەتىمەن تانىستى. داستۇرگە اينالعان قازاقستان- قىتاي تۇساۋكەسەر ءراسىمى ءبىرقاتار تۇراقتى ينۆەستورلار مەن كاسىپكەرلەردىڭ نازارىن اۋداردى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى