روزا رىمبايەۆا ۇلىنىڭ ءانشى قىزعا «ۇيلەنگەنىنە» قاتىستى كۇتپەگەن جايتتىڭ باسىن اشتى
سۋرەت قىزۋ تالقىعا ءتۇسىپ، ەل ءاليدى ۇيلەنىپ الدى دەپ بولجادى. روزا رىمبايەۆانىڭ كەلىن تۇسىرگەنى راس پا؟ بۇل سۇراققا ءانشىنىڭ ءوزى جاۋاپ بەردى.
روزا رىمبايەۆا Hit TV ارناسىنا ارنايى سۇحبات بەرىپ، ماسەلەنىڭ انىق-قانىعىن ايتىپ بەردى.
«بيىلعا ازىرشە ونداي جوسپار جوق. ءبىراق، ەگەر كەز كەلگەن ۋاقىتتا ءالي ءوزىنىڭ قالىڭدىعىن الىپ كەلىپ، «ماما، مەن ۇيلەنەمىن» دەسە مەن دايىنمىن. بالاما ونى كۇندە ايتامىن»، - دەيدى ءانشى.
روزا رىمبايەۆا ءوزى قاراپايىم وتباسىنان شىققان سوڭ، كەلىنىنىڭ دە قاراپايىم بولعانىن قالايتىنىن ايتتى. لاجى بولسا، مۇعالىم نەمەسە دارىگەر بولسا ءتىپتى جاقسى، دەيدى ول. ويتكەنى كاسىبي مۋزىكانتتارعا تورەشى بولار جان كەرەك.
«دارىگەر بولسا، مۇعالىم بولسا، ءبىزدىڭ وتباسىمىزدا ول ەرەكشە ماماندىق بولادى عوي. سەبەبى ءالي دە، ءمادي دە، ءبىز ۇشەۋىمىز دە كاسىبي مۋزىكانتپىز. ءبىزدىڭ اڭگىمەمىز، كورەتىنىمىز، قىزىقتىراتىن دۇنيەنىڭ بارلىعى - مۋزىكا. سوندىقتان باسقا ماماندىق يەسى كەلسە، وندا ءبىز ءۇشىن وتە پايدالى دۇنيە بولادى»، - دەيدى ول.
