الىپ كەسىرتكە تۋريست قىزدى جەپ قويدى
ونىڭ كەسىرتكە كەمىرىپ تاستاعان سۇيەگى ءساۋىر ايىنىڭ سوڭىندا تاۋ ارالىنان تابىلعان بولاتىن.
پوليتسيا ونىڭ تۋىستارىنا بويجەتكەن ءوز-وزىنە قول سالعانىن حابارلاعان، الايدا ەليزانىڭ وتباسى بۇعان سەنبەيدى، دەپ حابارلادى، ۆەستي. رۋ.
كەسىرتكە داللەمانگەنىڭ دەنەسىن كەمىرىپ تاستاعانى سونشالىق، ونى ستوماتولوگيالىق ساراپتامانىڭ كومەگىمەن عانا انىقتاۋ مۇمكىن بولدى. قىزدىڭ اتا-اناسىنىڭ ايتۋىنشا، ول سوڭعى ايلاردا الەمدى شارلاپ، يوگانى ۇيرەنىپ، مەديتاتسيامەن اينالىسىپ جۇرگەن.
سوڭعى رەت تۋىستارىمەن قايتىس بولاردان بىرنەشە كۇن بۇرىن «سكايپ» ارقىلى سويلەسكەن. ونىڭ كوڭىل-كۇيى كوتەرىڭكى بولعان. جانعا جايلى جەردە تابيعاتپەن ۇندەسىپ ءومىر سۇرگەنىنە باقىتتى ەدى.
ەليزانىڭ دەنەسىنىڭ جانىنان ونىڭ ولەر الدىندا جازۋى مۇمكىن حاتتىڭ تابىلماۋى - اتا-اناسىنىڭ كۇدىگىن تۋدىرۋدا. جۋرناليستەردىڭ پايىمىنشا، پوليتسەيلەر تۋريستەردى شوشىتىپ الماس ءۇشىن شەتەلدىك قىزدىڭ ناقتى قالاي قازا تاپقاندىعىن جاريالاماي وتىر.
سوڭعى ءۇش جىلدا تاۋ ارالىندا جەتى ادام اجال قۇشتى. ولاردىڭ بارلىعى ۇزىندىعى ءۇش مەترگە جەتەتىن كەسىرتكەنىڭ قۇربانى بولعان. ولار ۋلى، كوپ جاعدايدا ولىمگە الىپ كەلەدى.
