ايگىلى سپورتشىنى سوتقا بەردى
فلوريدا پوليتسياسى بولعان جول اپاتىنىڭ سەبەپتەرىن تەكسەرىپ جاتىر. سپورتشىنىڭ ادۆوكاتى بولسا ونىڭ كىناسىزدىگىن العا تارتۋدا. ول ۆينۋس ۋيليامس جول ءجۇرۋ ەرەجەلەرىن بۇزعان جوق دەپ ەسەپتەيدى.
وقيعا كۋاگەرلەرىنىڭ ايتۋىنا قاراعاندا، ۋيليامس جۇرگىزىپ كەلە جاتقان اۆتوموبيل كوشە قيىلىسىندا ىشىندە 78 جاستاعى دجەر بارسون وتىرعان باسقا كولىكپەن سوقتىعىسقان، ماشينانىڭ رۋلىندە ونىڭ جۇبايى بولعان.
جول اپاتىنان زارداپ شەگۋشى اۋرۋحاناعا جەتكىزىلدى، ول كوپ ۇزاماي كوز جۇمدى. ونىڭ جۇبايى دا كوپتەگەن دەنە جاراقاتتارىن العان، الايدا ونىڭ ومىرىنە ەش قاۋىپ جوق.
ايتا كەتەيىك، 37 جاستاعى ۋيليامس «ۇلكەن شلەم» تۋرنيرلەرىنىڭ جەتى مارتە جەڭىمپازى. ءتورت رەت وليمپيادا ويىندارىنىڭ التىن مەدالىن ۇتىپ العان.
