قىتاي شەكاراسىنا جاقىن ورنالاسقان ءۇرجار اۋدانى مەن استانا ارالىعىندا اۋە رەيسى اشىلدى

اپتاسىنا 4 رەت قاتىنايتىن رەيستە جولاۋشىلارعا 40 ورىندىقتى ان-2 ۇشاقتارى قىزمەت ەتەدى. بۇعان دەيىن اۋدان ورتالىعىنان سەمەي، وسكەمەن، الماتى قالالارىنا عانا اۋە قاتىناسى بار ەدى. مۇنىڭ ءبارى ايماقتاعى تۋريزمدى دامىتىپ، الاكولگە كەلەتىن ساياحاتشىلار سانىن ەسەلەۋگە جول اشادى. ەكسپو كورمەسىنە دە بارىس- كەلىس جاندانا تۇسپەك. جوسپار بويىنشا كەلەسى جىلى اۋەجايدى كۇردەلى جوندەۋدەن وتكىزىپ، ۇشىپ- قونۋ جولاقتارىن 1,5 شاقىرىمعا دەيىن ۇزارتۋ كوزدەلىپ وتىر.

 ياعني بولاشاقتا «تۋ»، «بوينگ» سياقتى الىپ ۇشاقتار قابىلداۋعا دا مۇمكىندىك تۋادى.

 بولات بەكتەمىروۆ، ءۇرجار اۋەجايىنىڭ كومەندانتى:

 - استانا مەن الماتى رەيسىنىڭ 50 پايىزىن رەسپۋبليكالىق بيۋدجەتتەن تولەيدى. ال سەمەي، وسكەمەن وبلىستىق بيۋدجەتتەن تولەنەدى. بيلەت باعاسى سەمەيگە 7 مىڭ، وسكەمەنگە 8 مىڭ، استانا مەن الماتىعا 14 مىڭ تەڭگە.

اقىلجامال قاجيەكپەروۆا، ماقانشى اۋىلىنىڭ تۇرعىنى:

 - تويعا كەتىپ بارامىز قىزىمىز ەكەۋمىز. بۇرىنعىداي اۆتوبۋس، پويىزبەن ەمەس، تۋرا ۇشىپ بارا جاتىرمىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى