ماڭعىستاۋ وبلىسىندا كۇن ەلەكتر ستانسياسى سالىنادى

 قۇنى 20 ميلليون دوللار تۇراتىن جوبانى ءتورت كومپانيادان (قازاقستاندىق، قىتايلىق، فرانسۋزدىق، رەسەيلىك) تۇراتىن كونسورتسيۋم ىسكە اسىرادى. ستانسيانىڭ ورنالاساتىن ورنى ماڭعىستاۋدىڭ كليماتتىق ەرەكشەلىگى ەسكەرىلىپ، تاڭدالدى.

جوعارى كۇن بەلسەندىلىگىنىڭ ارقاسىندا ماڭعىستاۋ ءوڭىرى جاڭارتىلاتىن كوزدەردەن ەنەرگيا ءوندىرۋ بويىنشا جوبالاردى ىسكە اسىرۋ ءۇشىن ەڭ قولايلى ورىننىڭ ءبىرى بولىپ تابىلادى. ءبىز قازاقستانمەن ىنتىماقتاسىپ، جۇمىس تاجىريبەسىمەن بولىسكىمىز كەلەدى. بۇل اقتاۋعا العاشقى ساپارىم. مۇندا مەن ءتيىمدى پايدالانۋعا بولاتىن كۇن ەنەرگياسىنا باي ءوڭىردى كوردىم. كومپانيانىڭ مۇمكىندىكتەرىن ەسكەرە وتىرىپ، ءبىز كۇن ەلەكتر ستانتسياسى جوباسىن ينۆەستيتسيالاۋعا مۇددەلىمىز»، - دەپ حابارلادى قىتايلىق كومپانيا پرەزيدەنتى فۋ حونگۆەي.

كۇن ەلەكتر ستانتسياسى 30 گ ا جەردە ورنالاسادى. قۇرىلىسى كوپ ۋاقىتقا سوزىلمايدى دەپ ۋادە بەرۋدە، جوبانى 2018 - جىلعى ءبىرىنشى توقساندا تاپسىرۋ جوسپارلانۋدا. جاڭا ءوندىرىس 80 جاڭا جۇمىس ورنىن قۇرۋعا مۇمكىندىك بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى