شىعىس قازاقستاندا مارال شارۋاشىلىعى وركەندەپ كەلەدى
مارال - كيەلى جانۋار. ونىڭ مۇيىزىنەن الىناتىن قاننىڭ تالاي دەرتكە شيپا ەكەنىن ۋاقىت دالەلدەگەن. سوندىقتان زىريان اۋدانىنداعى شارۋالار مەديتسينالىق تۋريزمدى دامىتۋعا دەن قويىپ وتىر. كاسىبىن ەندى باستاعان ازامات مۋسين دەمالىس ورنىنا تۋريستەردىڭ اعىلىپ كەلەتىنىنە كۇماندانبايدى. بۇل ءۇشىن ول بار كۇشىن سالىپ الەك. ايتۋىنشا دەمالۋشىلارعا جاعداي جاساۋ ارقىلى سالانى دامىتۋ ءتيىمدى.
ازامات مۋسين، مارال شارۋاشىلىعىنىڭ جەتەكشىسى:
- قازىر ءۇش ءۇي اكەلىپ، ورناتىپ جاتىرمىز. الدا تاعى بەس ءۇي ورناتۋ ويىمىزدا بار. ەرەكشە مەيماندارعا دا جاعداي جاسايمىز. بىزدە پانتىمەن ەمدەلۋگە ارنالعان مونشا مەن فيتوبوشكەلەر دە بولادى.
بۇگىندە زىرياندا ءۇش مارال شارۋاشىلىعى بار. ەندى وركەن جايىپ كەلە جاتقان سالانى دامىتۋعا ەرەكشە كوڭىل بولىنۋدە. ازىرگە مۇندا 650 مارال مەكەن ەتەدى. قازىر ولاردىڭ ءمۇيىزىن كەسۋ ناۋقانى ءجۇرىپ جاتىر. پانتىمەن ەمدەلۋگە نيەتتىلەر قاتارى جىل ساناپ ارتىپ كەلەدى. سول ءۇشىن دەمالىس ورنىنا اپاراتىن جولداردى جوندەۋ ماڭىزدى.
ۆاسيلي كۋزنەتسوۆ، مالەيەۆ اۋىلدىق وكرۋگىنىڭ اكىمى:
- بۇل سالانىڭ بولاشاعى بار. پانتىلار دا سۇرانىسقا يە. قازىر وڭتۇستىك كورەيادان كەلىپ جاتقان تۋريستەر قاتارى ارتقان. بۇگىندە وڭىردە 9 مىڭ مارال مەكەن ەتەدى. شارۋاشىلىقتى دوڭگەلەتۋ قيىن بولعانىمەن، تابىسى مول. ەتكەن ەڭبەك ناتيجەسىز قالمايدى.
www.24.kz
