قىتاي ەلشىسى قازاقستاندىقتاردى «شىعىس ءىنجۋى» - شياڭگاڭعا شاقىردى
اتاپ وتسەك، 1997 -جىلعى 1 - شىلدەدە قىتاي ۇكىمەتى گونكونگتى ءوز يەلىگىنە قايتاراتىنىن سالتاناتتى تۇردە جاريالاپ، قىتاي حالىق رەسپۋبليكاسى ارنايى اكىمشىلىك اۋدانىنىڭ رەسمي تۇردە نەگىزى قالاندى. ق ر- داعى ق ح ر- دىڭ توتەنشە جانە وكىلەتتى ەلشىسى جاڭ حانحۋەنىڭ ايتۋىنشا، 1997-2016 -جىل ارالىعىندا شياڭگاڭ ءى ج ءو ناقتى جىلدىق ءوسىمى 3,2 پايىزعا جەتتى. قارجى رەزەرۆى 150 پايىزعا ۇلعايسا، ۆاليۋتالىق رەزەرۆ 3,2 ەسەگە ارتتى. 2015 -جىلى شياڭگاڭ 175 ميلليارد ا ق ش دوللارى كولەمىندە تىكەلەي شەتەل ينۆەستيتسياسىن تارتتى، وسىلايشا وسى كورسەتكىش بويىنشا دۇنيەجۇزىندە ەكىنشى ورىندى يەلەندى.
سيانگاندا 150 بانك بار. سىرتقى بانك وپەراتسيالارىنىڭ كولەمى 2,3 تريلليون ا ق ش دوللارىن قۇرايدى، وسى كورسەتكىش بويىنشا ول كۇللى الەم بويىنشا التىنشى ورىندا، ءجۇز جەتەكشى الەمدىك بانكتەردىڭ 70-تەن استامىنىڭ سيانگاندا ءوز وپەراتسيالارى بار. سيانگاندا 1900-دەن استام ليستينگتىك كومپانيا بار، نارىقتىق كاپيتالدانۋدىڭ جالپى سوماسى 26 تريلليون سيانگان دوللارىن قۇرايدى، مامىلەنىڭ ورتاشا سوماسى 60 ميللياردتان استام سيانگان دوللارىنا جەتەدى.
«قازاقستان، - دەدى ەلشى، - قىتايدىڭ جان- جاقتى ستراتەگيالىق ارىپتەسى بولىپ تابىلادى. قىتاي مەن قازاقستاننىڭ ورتاق كۇشىنىڭ ارقاسىندا قازاقستان مەن سيانگان اراسىنداعى ىنتىماقتاستىق، ءوزارا الماسۋ كۇن ساناپ بارىنشا تىعىز بولىپ كەلە جاتقانىن قۋانا بايقاپ وتىرمىز. قىتاي ۇكىمەتى سيانگانعا قازاقستانمەن ىنتىماقتاستىقتى كەڭەيتۋگە قولداۋدى، ستراتەگيانىڭ ءتۇيىسۋىن تەرەڭدەتۋگە جانە قىتاي مەن قازاقستان حالقىنىڭ يگىلىگى ءۇشىن ەكى مەملەكەتتىڭ ءوزارا ءتيىمدى، ءوزارا ۇتىمدى ىنتىماقتاستىعىنا جاردەمدەسۋدى جالعاستىرا بەرمەك»، - دەپ ءسوزىن تۇيىندەدى قىتاي ەلشىسى.
ءوز كەزەگىندە اقىلبەك قامالدينوۆ ، قازاقستاننىڭ قىتايمەن ەكىجاقتى ىنتىماقتاستىعىنىڭ ديپلوماتيالىق قاتىناسىن ورناتقان جىلدار ىشىندە ۇلگىلىك سيپاتقا يە بولعانىن حابارلادى. «قىتايمەن قاتىناستاردى دامىتۋ قازاقستاننىڭ سىرتقى ساياساتىنىڭ باسىم باعىتتارىنىڭ ءبىرى بولىپ تابىلادى. ق ح ر ءبىزدىڭ كورشىمىز، ءارى جان- جاقتى ستارتەگيالىق ارىپتەسىمىز»، - دەدى ا. قامالدينوۆ.
