ساعىنىشتىڭ ەمى نە؟

ۇيگە قاراي اڭسارىم اۋادى دا تۇرادى.

قالا بەردى، الدەكىمدى ىزدەيمىن دە وتىرامىن. بۇل اۋرۋدىڭ ەمى بار ما؟

-  سالەمەتسىز بە؟ ءسىز ايتقان بەلگىلەرگە قاراسام، سىزدىكى ايىقپايتىن اۋرۋ ما دەپ قالامىن. دۇرىس تەكسەرىستەن وتپەي، ءسىزدىڭ دياگنوزىڭىزدى قويۋ وتە قيىن. ءبىراق 20 جىلدىق تاجىريبەمە سۇيەنسەم، ءسىز ساعىنىش دەرتىنە شالدىققانسىز.

-  سوندا قالاي؟

- ساعىنىش -  جان اۋرۋى. ونى وزىڭىزدەن باسقا ەشكىم ەمدەي المايدى.

-  دەمەك ەمدەلۋى قيىن عوي.

-  ءيا، قيىن. ءبىراق %2 دىڭ ءوزى ۇلكەن جەتىستىك ەكەنىن ەستەن شىعارماڭىز. ءارى سىزدە العاشقى بەلگىلەرى عانا بايقالادى.

-  ساعىنىشتى اسقىندىرىپ الۋىم مۇمكىن بە؟

-  ومىردە مۇمكىن ەمەس ەش نارسە جوق. ءبارى مۇمكىن. ساعىنىشتىڭ بەلگىلەرىن ءۇش نەگىزگە سۇيەنە وتىرىپ انىقتايمىز.

ءبىرىنشى -  ءسىزدىڭ ءتانىڭىز. ساعىنعان ساتتە جىلۋلىق ىزدەپ، جانىڭىزداعى ادامدى قۇشاقتاۋىڭىز مۇمكىن. ءتىپتى، ادام ەمەس ويىنشىعىڭىزدىڭ دە ەسىن تاندىراسىز.

ەكىنشى -  ىشكى جان- دۇنيەڭىز: « ەح، ۇيدە بولسام عوي. اناشىم نە ىستەپ وتىر ەكەن؟ اكەم تاماق ءىشىپ وتىرعان بولار» - دەگەن ويلار تۋىنداۋى مۇمكىن.

ءۇشىنشىنى ەمدەۋ قيىن. ويتكەنى ول ساعىنىشتان جالعىزدىق سەزىمىنە ءوتىپ كەتەدى.

-  ونىمەن كۇرەسۋ ءۇشىن نە ىستەۋىم كەرەك؟

-  وزىڭىزگە ۇنايتىن ىسپەن اينالىسىڭىز. بوس ۋاقىتىڭىز بولماسىن. ميى ىزدەنىستەگى ادامنىڭ ساعىنۋ تۋرالى ويلاۋعا ۋاقىتى بولمايدى.

-  بار بولعانى وسى ما؟

-  ءيا. ءارى مىنا دارىلەردى كۇنىنە قابىلداۋدى ۇمىتپاڭىز. كۇنىنە 2 رەت «دوسىڭىزبەن قۇشاقتاسىڭىز»، كۇنىنە 1 رەت «سەرۋەندەڭىز»، سونىمەن قاتار، «ادامدارمەن ارالاسۋدى» ءاربىر ەكى ساعات سايىن قابىلداڭىز.

-  راقمەت، دارىگەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى