الەمدەگى ەڭ سىمباتتى قىلمىسكەر استا- توك بايلىقتىڭ استىندا قالدى - فوتو
استانا. قازاقپارات - ەكى جىل بۇرىن پوليتسەي سۋرەتكە ءتۇسىرىپ العاننان كەيىن «ەڭ سىمباتتى قىلمىسكەر» رەتىندە الەمگە تانىلعان ەر ادام بۇگىندە باعى جانعانىن ايتۋدا.
بۇل تۋرالى NUR. KZ پورتالى funny24.ru سايتىنا سىلتەمە جاساپ حابارلايدى.
32 جاستاعى دجەرەمي ميكس بۇگىندە مودەل اتانىپ، قىمبات جەكەجايعا يە بولعان. دجەرەمي جاقىندا 150 مىڭ دوللار تۇراتىن Maserati كولىگىن الدى.

ول 2014-جىلى كاليفورنيادا زاڭسىز قارۋ ساقتاعانى ءۇشىن قاماۋعا الىنعان بولاتىن. الايدا كەنەتتەن كەلگەن تانىمالدىقتىڭ ارقاسىندا بۇگىندە ەر ادام تانىمال مودەل اتانىپ، ونىڭ جەلى پاراقشاسىنا بىردەن 615 مىڭ جازىلۋشى جينالعان.

ەندى دجەرەمي قىلمىس الەمىن وتكەننىڭ ەنشىسىنە تاستاپ، جاڭا ءومىر باستاعان.

«مەنى سىمباتىما بولا بۇكىل الەم مويىندايدى دەپ ويلاماپپىن. ءوزىمدى وتە باقىتتى سەزىنەمىن ءارى العىسىم شەكسىز»، - دەيدى ازامات.


