اقمولالىق كاسىپكەر تىڭايتقىش قولدانباي قۇلپىناي وسىرۋدە

ەرەيمەنتاۋ اۋدانىنداعى جەكە كاسىپكەر سۆەتلانا ميروشنيچەنكو بىرنەشە جىلدان بەرى قۇلپىناي ءوسىرۋدى قولعا الىپ كەلەدى.

جاقىندا ول باسقاراتىن «فرۋتيكا» جەكە كاسىپكەرلىگىنە مەملەكەت تاراپىنان قايتارىمسىز 3 ميلليون تەڭگە گرانت بولىنگەن.



كاسىپكەر بۇل قارجىعا تامشىلاتىپ سۋارۋ جابدىقتارىن ساتىپ الىپ، وتباسىمەن بىرگە 0,7 گەكتار اۋماققا قۇلپىناي ءوسىرىپ وتىر.

القاپتا قۇلپىنايدىڭ رەمونتانتتى سورتى ەشقانداي حيميالىق تىڭايتقىشسىز، تابيعي جولمەن وسىرىلۋدە. قۇلپىنايدىڭ بۇل ءتۇرى ونىمدىلىگىمەن، ياعني، ءبىر ماۋسىمدا بىرنەشە رەت گۇلدەپ، ءونىم بەرەتىندىگىمەن ەرەكشەلەنەدى.

«ءبىز ءوسىرىپ وتىرعان قۇلپىنايدىڭ ساپاسى وتە جوعارى. پەتيتسيدتەردى مۇلدەم قولدانبايمىز. سول سەبەپتى، اشىق اسپان استىندا تابيعي جولمەن وسىرىلەتىن قۇلپىنايىمىز ءدامدى ءارى ادام اعزاسىنا قاجەتتى دارۋمەندەرگە تولى. جالپى، جيدەكتەرگە رۇقسات ەتىلگەن نيتراتتار مولشەرى 60 مگ/كگ بولسا، ءبىزدىڭ قۇلپىنايدا بۇل كورسەتكىش 0,2 م گ/ك گ قۇرايدى»، - دەيدى سۆەتلانا ميروشنيچەنكو.

كاسىپكەردىڭ ايتۋىنشا ءونىم نەگىزىنەن استانا قالاسى مەن اۋدان تۇرعىندارىنا ساتىلۋدا. ساپالى ونىمگە سۇرانىس جوعارى. القاپتا ەكى ادام ەڭبەك ەتەدى. الداعى ۋاقىتتا شارۋاشىلىقتى كەڭەيتۋ جوسپاردا بار.



اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى