باعلان ءابدىرايىموۆ: توقال الۋدى زاڭداستىرسا، قازاق باياعىدا كوبەيەر ەدى
ونىڭ سوزىنشە، باسى بوس 800 مىڭ قىزدىڭ بارلىعى قالاي بولعاندا دا انا باقىتىن سەزىنۋگە قۇقىلى.
بۇل تۋرالى ول Hit TV ارناسىنا بەرگەن سۇحباتىندا ايتتى.
«قازاقتان جىگىت تاپپاعاندىقتان، بىرەۋ اندا، بىرەۋ مىندا شىعىپ جاتىر. ەندى وزدەرىڭىز ويلانىپ قاراڭىزدار. 800 مىڭ قىزدىڭ تۇرمىسقا شىقپاي جۇرگەنى جاقسى ما، الدە ەكىنشى نە ءۇشىنشى ايەل بولىپ، انا باقىتىن سەزىنگەنى جاقسى ما؟!»
سوندىقتان وسىنى اجىراتا ءبىلۋ كەرەك. ەگەر كادىمگىدەي قىزدار جاعى بولسىن، قوعام بولسىن دايىن بولىپ، زاڭدى تۇردە ەكىنشى، ءۇشىنشى نەمەسە ءتورتىنشى ايەل الۋدى زاڭداستىرعان بولسا، قازاق باياعىدا سانى كوپ ەلدەردىڭ قاتارىندا تۇرار ەدى.
سوندىقتان وسى تۇرعىدان قاراعاندا، ءاربىر قازاقتىڭ قىزى انا باقىتىن سەزىنۋ كەرەك دەپ ويلايمىن»، - دەپ ءوز ويىن ءبىلدىردى ول.
ەسكە سالساق، بۇعان دەيىن سايات مەدەۋوۆ تە توقال الۋعا قارسى ەمەستىگىن ايتىپ، ەلدى شۋلاتقان بولاتىن.
