الماتى قالالىق قارجى پوليتسياسىنىڭ بۇرىنعى باسشىسى ءوزىن بوساتۋدى تالاپ ەتتى

ول «ۇيىمداسقان توپ قۇرىپ ونى باسقاردى»، «ءىرى كولەمدە پارا الدى»، «قىزمەتىن اسىرا پايدالاندى» جانە «اقشا جىمقىردى» دەگەن بىرنەشە باپ بويىنشا ايىپ تاعىلىپ، 14 جىلعا سوتتالعان بولاتىن. ءتىپتى اتاق-داڭقىنان ايىرىلىپ، بار دۇنيە مۇلكى تاركىلەنگەن.

الايدا ءامىرحان امانبايەۆ تاعىلعان ايىپتىڭ ءبىر دە بىرەۋىن مويىنداعان جوق. سوندىقتان اۋىر جازامەن كەلىسپەيتىنىن ايتىپ، اپەللياتسيالىق شاعىم ءتۇسىرىپتى. ايتا كەتەيىك «قارا گەنەرالمەن» بىرگە تاعى 35 ادام سوتتالعان بولاتىن. ءتورت اي بۇرىنعى سوتتا قىلمىستىق توپتىڭ زاڭسىز جولمەن 19 ميلليارد تەڭگە تابىس تاپقانى دالەلدەنگەن.

بۇل قىرۋار قارجىنىڭ ءبىر بولىگى جالعان فيرمالاردىڭ ەسەپ-شوتتارىنان تابىلدى. بۇل ازداي سوتتالۋشىلاردان ءزاۋلىم سارايلار، ەليتالىق پاتەرلەر، قىمبات كولىكتەر مەن ەكى بىردەي تىكۇشاق تاركىلەنگەن. سوندىقتان بار مۇلكىنەن ايىرىلعان 35 ادامنىڭ ءبارى اپەللياتسيالىق سوتقا ارىز جازعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى