شىمكەنتتىك جۋرناليست ءوزىنىڭ سىيلىعىن جەتىم قىزعا تارتۋ ەتتى
جەرگىلىكتى تەلەارنانىڭ ءتىلشىسى رابيعا ءجۇنىس بولاشاقتا جۋرناليست بولۋدى ارمانداعان جاسوسپىرىمگە وسىلايشا قولداۋ كورسەتتى، دەپ حابارلايدى قازاقپارات ح ا ا ءتىلشىسى.
ايتا كەتەيىك، وبلىس اكىمى جانسەيىت تۇيمەبايەۆ ارىس قالاسىنا بارعان ساپارىندا بالالار ۇيىنە سوعىپ، ونداعى تاربيەلەنۋشىلەرمەن كەزدەسكەن بولاتىن.
ولاردىڭ اراسىنان سۋىرىلىپ شىققان كريستينا ەسىمدى قىز ايماق باسشىسىنا بولاشاقتا جۋرناليست بولعىسى كەلەتىنى جونىندە ايتىپ، ارمانىن جەتكىزگەن ەدى. ءوز كەزەگىندە ءوڭىر باسشىسى جۋرناليستەرگە وسى قىزعا قولداۋ كورسەتۋگە شاقىرعان.
ونىمەن تىعىز بايلانىسا وتىرىپ، ونىڭ ارمانىنا جەتۋىنە سەبەپكەر بولۋعا ىقپال ەتۋ قاجەتتىگىن اتاپ وتكەن.
وسىدان كەيىن اراعا 28 كۇن سالىپ، "نار ت ۆ" تەلەارناسىنىڭ رەداكتورى رابيعا ءجۇنىس "ب ا ق قىزمەتكەرلەرى" كۇنىندە جەڭىپ العان 150 مىڭ تەڭگە سىيلىعىن كريستيناعا تابىستادى.
اۆتور: اينۇر اقبايەۆا
