قازاقستاندا ۋاقىتشا تىركەۋسىز ءجۇرۋ مەرزىمى قىسقارتىلدى
قازاقستان رەسپۋبليكاسى ۇكىمەتىنىڭ 2011 -جىلعى 1 -جەلتوقسانداعى قاۋلىسىمەن بەكىتىلگەن ىشكى كوشىپ- قونۋشىلاردى تىركەۋ قاعيدالارىنا وزگەرىستەر ەنگىزىلدى. ەنگىزىلگەن وزگەرىستەرگە سايكەس ءبىر ايدان استام مەرزىمگە ۋاقىتشا بولۋ (تۇرۋ) ءۇشىن كەلگەن ىشكى كوشىپ- قونۋشىلاردى ىشكى ىستەر ورگاندارى تۇرعىلىقتى جەرى بويىنشا تىركەۋدەن شىعارماي كەلگەن كۇننەن باستاپ كۇنتىزبەلىك 10 كۇن ىشىندە ۋاقىتشا بولاتىن (تۇراتىن) جەرى بويىنشا ەسەپكە الادى.
ۋاقىتشا بولاتىن (تۇراتىن) جەرى بويىنشا ەسەپكە الۋ (تىركەۋ) ۋاقىتشا تىركەۋ بولىپ تابىلادى. ۋاقىتشا تىركەۋ ءبىر ايدان باستاپ ءبىر جىلعا دەيىنگى مەرزىمگە جۇزەگە اسىرىلادى. قىزمەتتىك مىندەتتەرىن ورىنداۋ، وقۋدا بولۋى تۇرعىلىقتى جەرىنەن تىس جەردە ۇزاق تۇرۋىمەن (ءبىر جىلدان استام) بايلانىستى ادامدار (راستايتىن قۇجات بولعان كەزدە) تۇرعىلىقتى جەرى بويىنشا تىركەۋدەن شىعارماي مىندەتتەرىن ورىنداۋ ءۇشىن قاجەتتى بۇكىل مەرزىمگە ەسەپكە الىناتىندىعى ايتىلعان».
سونداي-اق قاۋلىدا 16 جاسقا تولماعان بالالار، ادامداردىڭ تىنىس-تىرشىلىگىن شەكتەيتىن ورگانيزم فۋنكسيالارىنىڭ تۇراقتى بۇزىلۋىنان دەنساۋلىعىندا كىنارات بار ەمدەۋ مەكەمەلەرىندەگى ازاماتتار، ۆاحتالىق ادىسپەن جۇمىس ىستەيتىن ادامدار، ۋاقىتشا بولاتىن (تۇراتىن) جەرى بويىنشا ەسەپكە الىنۋعا (تىركەلۋگە) جاتپايدىعى ايتىلادى.
