ديماشتىڭ كەشىندە ءان شىرقاعان شەتەلدىك قوناقتار كونسەرت تۋرالى پىكىر ءبىلدىردى

 قىتايدىڭ ءانشى جۇلدىزى، ديماشتىڭ «Singer2017» بايقاۋىنداعى باستى قارسىلاسى جانە «باستاۋ» ءان كەشىنىڭ قۇرمەتتى قوناعى لين چجيسيۋان (TerryLin) ديماشتى ماقتان تۇتاتىندىعىن جەتكىزدى.

 «كەشە ديماش وتە جاقسى ونەر كورسەتتى. مەن وعان قاراپ وتىرىپ، ونى شىن جۇرەگىممەن ماقتان تۇتتىم»-، دەپ جازدى تەرري لين ءوزىنىڭ Weibo پاراقشاسىنا. سونداي - اق، ديماشپەن دۋەت ورىنداعان رەسەي ءانشىسى كريستينا ورباكايتە «ديماش قۇدايبەرگەن سىندى كەرەمەت انشىمەن... راحمەت، بۇل ۇمىتىلماس ءسات بولدى»-، دەدى Instagram جەلىسىندە. ايتا كەتەيىك، 27 - ماۋسىم كۇنى استانادا جاس ءانشى ديماش قۇدايبەرگەننىڭ العاشقى جەكە كونسەرتى ءوتتى. 2,5 ساعاتقا جالعاسقان كونسەرتكە 30 مىڭعا جۋىق كورەرمەن جينالدى. بەس بولىمنەن تۇراتىن ءان كەشىندە ديماش ءتورت تىلدە ءان شىرقادى. سونىمەن قاتار، قىتايدىڭ بەلگىلى ءانشىسى تەرري لين، ەۆرو ۆيدەنيە-2012 بايقاۋىنىڭ جەڭىمپازى لورين (شۆەتسيا)،  ۇلى بريتانيا ءانشىسى سوفي ەليس بەكستور، كريستينا ورباكايتە (رەسەي) جانە قازاقستاننىڭ ەڭبەك سىڭىرگەن ءارتىسى، وپەرا ءانشىسى مايرا مۇحامەد قىزى كەشتىڭ باستى قوناقتارى بولىپ ونەر كورسەتتى.

 اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى