بويجەتكەن بەينەروليك ءتۇسىرۋ كەزىندە ابايسىزدا ءوز جىگىتىن اتىپ ءولتىردى
19 جاستاعى موناليسا مەن 22 جاستاعى پەدرو رۋيسا YouTube جەلىسىندەگى كورەرمەندەرىنىڭ سانىن ارتتىرۋ ءۇشىن ۆيدەو تۇسىرمەك بولادى. ولار تاپانشادان اتىلعان وقتىڭ قالىڭ ەنسيكلوپەديانى تەسىپ وتپەيتىنىن دالەلدەگىسى كەلگەن. جەرگىلىكتى شەريفتىڭ سوزىنە سۇيەنسەك، ۆيدەونى ءتۇسىرۋ بارىسىندا پەدرو كىتاپتى قارسى الدىندا ۇستاپ تۇرادى، ال قىز 50 كاليبرلى تاپانشادان وق اتادى. سول كەزدە وق كىتاپتى تەسىپ ءوتىپ، ەر ادامنىڭ كەۋدەسىنە تيگەن.
قىز بىردەن 911 نومىرىنە حابار بەرەدى، الايدا پەدرو العان جاراقاتىنان سول ساتتە قازا تاۋىپتى. ابايسىزدا كىسى ولتىرگەنى ءۇشىن قىز 10 جىلعا تۇرمەگە قامالىپ نەمەسە 20 مىڭ دوللار تولەۋى مۇمكىن. جۇپتىڭ YouTube جەلىسىندەگى ارناسىنا قاراعاندا، موناليسانىڭ ءۇش جاسار قىزى بار ەكەن ءارى ەكىنشى بالاسىنا اياعى اۋىر. قىز Twitter پاراقشاسىندا «ەڭ قاۋىپتى ۆيدەو» تۇسىرەتىندەرىن الدىن الا حابارلاعان.
