قۇرىق پاروم پورتى - ترانس كاسپي ءدالىزىنىڭ ماڭىزدى بولىگى
دەپ حابارلادى «قازاقپارات» ح ا ا.
كەشەننىڭ ءبىرىنشى كەزەگى 2016 -جىلى جەلتوقساندا ىسكە قوسىلعان. تەمىر جولدى قوسا العاندا، 44 نىسان پايدالانۋعا بەرىلدى. بۇل جۇك ۆاگوندارى تيەلگەن پارومداردى تاۋلىك بويى قابىلداۋعا مۇمكىندىك بەردى.
2017 -جىلدان باستاپ پورت كوممەرتسيالىق قىزمەتتى باستادى، قازىردە 93 كەمە قابىلدانىپ، 400 مىڭ توننادان استام جۇك ءتۇسىرىلدى. جىل اياعىنا دەيىن بۇل كورسەتكىشتى 1 ميلليون تونناعا دەيىن جەتكىزۋ جوسپارلانۋدا.
مەملەكەت باسشىسىنىڭ جولداۋىندا قۇرىق پورتى قۇرىلىسىنىڭ ەكىنشى فازاسىن ىسكە اسىرۋ قاجەتتىگى اتاپ ءوتىلدى.
قۇرىق پاروم كەشەنىن پايدالانۋعا بەرۋ قازاقستاننىڭ تەڭىز قاقپاسىن كەڭەيتەدى جانە ترانس كاسپيلىك حالىقارالىق كولىك مارشرۋتىنىڭ الەۋەتىن ارتتىرادى.
سونداي- اق، ا. مامين وبلىستاعى رەسپۋبليكالىق ماڭىزى بار جولداردى قايتا جوندەۋ بويىنشا جوبالاردىڭ ىسكە اسىرىلۋىمەن تانىستى.
قازىرگى ۋاقىتتا ماڭعىستاۋ وبلىسىندا ۇزىندىعى 167 شاقىرىم اقتاۋ- شەتپە، ۇزىندىعى 60 شاقىرىم شەتپە- ساي وتەس سياقتى اۆتوجولدار جوبالارى ىسكە اسىرىلۋدا. بەينەۋ- اقجىگىت- وزبەكستان شەكاراسىن قايتا جوندەۋ جۇمىستارىن باستادى.
سونىمەن قاتار وسى جىلعى كۇزدەن باستاپ قارىز تۋرالى كەلىسىمدى راتيفيكاتسيالاعاننان كەيىن ۇزىندىعى 73 شاقىرىم جەتىباي- جاڭاوزەن جولىن جوندەۋ باستالادى.
ا. مامين وسى جوبالاردى ىسكە اسىرۋ ماسەلەلەرىن قارادى جانە ءوڭىردىڭ كولىك الەۋەتىن ارتتىرۋ ءۇشىن قىسقا مەرزىمدە اۆتوماگيسترالداردى جوندەۋدى اياقتاۋ شارالارىن قابىلداۋ تاپسىرىلدى.
