قىزىلوردالىقتار يراكقا ەت ساتۋدى جوسپارلاپ وتىر

 بۇل تۋرالى قازاقپارات «اتامەكەن» ۇ ك پ- نا سىلتەمە جاساپ حابارلادى.

 يراكتىڭ ءىرى قالالارىندا ورنالاسقان سىيىمدىلىعى ايىنا 7 مىڭ تونناعا دەيىن جەتەتىن مۇزداتقىشتارى بار كومپانيا ەتتىڭ باسىم بولىگىن ا ق ش، ۋكراينا، ءۇندىستان مەملەكەتتەرىنەن الادى ەكەن. ەندى ولار وسى باعىتتا قازاقستانمەن دە ىنتىماقتاستىقتى ارتتىرۋدى جوسپارلاپ وتىر. كومپانيا باسشىسىنىڭ  قىزىلورداعا كەلۋى ءۇشىن كاسىپكەرلەر پالاتاسىنىڭ ماماندارى ۇزاق ۋاقىت كەلىسسوزدەر جۇرگىزىپ، (ۆيزاسى دايىنداۋىنا جانە ۋكرايناداعى وكىلدىكتىڭ قىزمەتكەرلەرىنىڭ كەلۋىنە كومەك كورسەتىلدى)، ناتيجەسىندە كومپانيا باسشىسى ماۋسىم ايىنىڭ ەكىنشى ونكۇندىگىندە وڭىرگە ارنايى كەلدى.

بۇل تۋرالى كاسىپكەرلەر پالاتاسىنىڭ ءبولىم باسشىسى جاسۇلان سەرىكوۆ:

 «بۇگىندە يراكتا 37 ميلليونعا جۋىق حالىق تۇرادى. 2050 -جىلعا قاراي بۇل كورسەتكىش 85 ميلليونعا وسەدى دەگەن بولجام بار. سوندىقتان دا بۇل ەلدە ەتكە سۇرانىس اسا جوعارى. ماسەلەن، قوزى ەتىنىڭ 1 ك گ- مى ءبىزدىڭ تەڭگەگە شاققاندا ورتا ەسەپپەن 4500-4800 تەڭگەنى قۇرايدى. «AlHasanat LTD» كومپانياسىنىڭ باسشىسى وڭىرگە جۇمىس ساپارىمەن كەلگەندە قوزىلاردى تىرىدەي جانە مۇزداتىلعان قوزى ەتىن العىسى كەلەتىندىكتەرىن جەتكىزدى. كەزدەسۋ بارىسىندا تاراپتار الداعى ۋاقىتتا بىرگە جۇمىس جاساۋعا كەلىسىپ، كاسىپكەرلەر پالاتاسى مەن «AlHasanat LTD» كومپانياسى اراسىندا مەموراندۋمعا قول قويىلدى»، - دەيدى. كاسىپكەرلەر پالاتاسى الاڭىندا وتكەن كەزدەسۋدەن كەيىن يراكتىق كاسىپكەرلەر جاڭاقورعان جانە سىرداريا اۋداندارىندا بولىپ، «كوبەلدەس» ش ق، «باحىتجان» ش ق، «ىنتىماق» ج ش س جانە «اباي داۋلەت» شارۋا قوجالىقتارىنىڭ جۇمىسىمەن تانىستى.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى