ق ر پرەزيدەنتى «بۋراباي» كۋرورتىندا قىزمەت ساپاسىن ارتتىرۋدى تاپسىردى

قازاقستان پرەزيدەنتى كەزدەسۋدە وبلىستىڭ تۋريستىك الەۋەتىن، سونىڭ ىشىندە «بۋراباي» كۋرورتىن ودان ءارى دامىتۋ جۇمىستارى تۋرالى سۇرادى.

ەلباسى كۋرورتتىق ايماققا كەلۋشىلەر سانى جىلدىڭ ءار مەزگىلىندە ءارتۇرلى ەكەنىنە نازار اۋدارىپ، تۋريستەرگە كورسەتىلەتىن قىزمەتتەردىڭ ساپاسىن ارتتىرۋ بويىنشا شارالار قابىلداۋدى تاپسىردى، سونداي- اق كورسەتىلەتىن قىزمەتتەردىڭ دەڭگەيىنە ساي كەلمەيتىن باعالاردىڭ جوعارى ەكەنىن اتاپ ءوتتى.

- «ەكسپو-2017» كورمەسىنىڭ ءوتۋىن ءتيىمدى پايدالانۋ قاجەت. كوپتەگەن تۋريستەر كەلدى، سونىڭ ىشىندە شەتەلدىكتەر دە بار. ءبىراق، ەكولوگيالىق جۇيەگە سالماق سالماۋ كەرەك. سونىمەن قاتار، ادامداردىڭ دەمالۋى ءۇشىن جاقسى جاعداي جاساعان ءجون، - دەدى نۇرسۇلتان نازاربايەۆ.

سونداي- اق، مەملەكەت باسشىسى ءوڭىردىڭ الەۋمەتتىك- ەكونوميكالىق كورسەتكىشتەرىن كوتەرۋدىڭ ماڭىزدىلىعىنا توقتالىپ، وبلىس باسشىلىعى تاراپىنان ەرەكشە ءمان بەرۋدى قاجەت ەتەتىن ءبىرقاتار سالانى ايتتى.

م. مىرزالين قازاقستان پرەزيدەنتىنە تۋريستەردىڭ قازىرگى دەمالىس ورىندارىنا دەگەن قىزىعۋشىلىعىن ارتتىرۋعا باعىتتالعان ينفراقۇرىلىمدىق جوبالاردىڭ ىسكە اسىرىلۋ بارىسى تۋرالى بايانداپ، ءوڭىر قوناقتارى مەن تۇرعىندارىنىڭ جايلى ءومىر ءسۇرۋىن قامتاماسىز ەتۋ جونىندەگى مىندەتتەردى شەشۋگە ارنالعان جوسپارلارمەن تانىستىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى