قورعاس قۇرعاق پورتى جاپون جۋرناليستەرىن تاڭعالدىردى
«ءبىر جول، ءبىر بەلدەۋ» باعدارلاماسى اياسىندا جۇزەگە اسىرىلاتىن ق ح ر مەن ەۋروپا اراسىنداعى قۇرلىق ارالىق كوپىر قۇرىلىسىنىڭ ورتالىق ازيا ءۇشىن قانشالىقتى ماڭىزدى ەكەندىگىن ءتۇسىنۋ ءۇشىن ءبىز ءوز تىلشىلەرىمىزدى قىتاي جانە قازاقستان اراسىنداعى شەكارا اۋماعىنا، ناقتىراق ايتساق، ق ر اۋماعىنداعى «قورعاس - شىعىس قاقپاسى» قۇرعاق پورتىنا جىبەردىك»، - دەدى ول «ازيالىق قاۋىپسىزدىك تۇجىرىمداماسىن، ءبىرىڭعاي تاعدىر قوعامداستىعى قۇرىلىسىن ورىستەتۋ - ازيا قاۋىپسىزدىگىن قامتاماسىز ەتۋدە باق- تىڭ ءرولى» اتتى دوڭگەلەك ۇستەل بارىسىندا.
«بۇل، - دەدى ول، - ءوزىنىڭ اتىنا لايىق جازىق دالا ورتاسىندا ورنالاسقان قۇرعاق پورت. الايدا، ىشكى ۋحان جانە چۋنتسين پورتتارىمەن سالىستىرعاندا، وندا ۇلكەن وزەن جوق، بۇل كوپتەگەن جۇك پويىزدارى وتەتىن، تاۋار الماسۋعا ارنالعان ۇلكەن كونتەينەرلىك تاسىمال بازاسى». «بۇل اۋداننىڭ كولەمى شامامەن 130 گەكتار جەردى قامتيتىندىعى تاڭعالارلىق، ال كۇندەلىكتى جۇك تاسىمالىنىڭ جيىلىگى 18 مىڭ كونتەينەرگە جەتەدى. جازىق دالادا قازىرگى ۋاقىتتا قالا سالىنىپ جاتىر جانە 2035 -جىلعا قاراي تۇرعىندار سانى 100 مىڭ ادامعا جەتەدى دەگەن بولجام بار. باسقاشا ايتقاندا، «جىبەك جولىنىڭ ەكونوميكالىق بەلدەۋى» جوباسىنىڭ اياسىندا جازىق دالا ادامدار بۇرىن سوڭدى كوز الدارىنا ەلەستەتىپ كورمەگەن ەكونوميكالىق دامۋعا مۇمكىندىك اشتى»، - دەدى تاتسۋمي تومودجي.
ونىڭ ايتۋىنشا، «قورعاس - شىعىس قاقپاسى» قۇرعاق پورتىنىڭ الداعى دامۋى قازاقستاننىڭ ەكونوميكالىق دامۋىنا ىقپال ەتىپ، ەلدەگى قوعامدىق قاۋىپسىزدىكتىڭ نىعايۋىنا سەپتىگىن تيگىزەدى.
