وڭتۇستىك قازاقستاندا ازىق-تۇلىك تەگىن تاراتىلدى
«الەۋمەتتىك قولداۋ - الەۋەتتى قولداۋ» اتتى اكسيانىڭ اياسىندا مەدەت تايمانوۆ پەن نۇرجان ابدۋبايتوۆ مۇقتاج جانداردى ءبىر ايعا جەتەتىن ازىق-تۇلىكپەن قامتاماسىز ەتتى. كاسىپكەرلەر 100 وتباسىعا قوسىمشا تالون بەرىپ، كومەككە مۇقتاج جاندار ءبىر اي كولەمىندە بەلگىلەنگەن دۇكەندەردەن قاجەتتى ازىق-تۇلىگىن الىپ تۇراتىن بولدى.
مىرزاشولدەگى 1 قالا، 3 كەنت، 20 اۋىلدىق وكرۋگتەردەن ادامدار تاكسيمەن تەگىن كەلىپ، العان ازىقتارى ۇيلەرىنە دەيىن جەتكىزىلىپ بەرىلدى. تەگىن تالون الۋشىلاردىڭ ءبىرى ايجان ارىستانوۆانىڭ بىلتىر عانا ءۇيى ورتەنىپ، جولداسى Ⅱ توپتاعى مۇگەدەككە اينالعان. دەگەنمەن، اۋدانداعى قايىرىمدى كاسىپكەرلەردىڭ ارقاسىندا باسپانالى بولىپ، اي سايىن ازىق-تۇلىكپەن قامتىلىپ وتىر ەكەن.
«كۇيەۋىم ەكەۋمىز ءبىراز قيىنشىلىقتى باستان وتكەرىپ كەلەمىز. بالالارىمىزعا دا تاماق، كيىم تاۋىپ بەرۋ وڭايعا سوقپايدى. كاسىپكەرلەر تاراپىنان جاسالىپ جاتقان بۇل كومەك بىزگە ۇلكەن قولداۋ بولماق. ايتار العىسىمىز شەكسىز»، - دەيدى ايجان ارىستانوۆا.
