ابايەۆ بلوگەرلەردىڭ مارتەبەسىنە قاتىستى تۇسىنىكتەمە بەردى

بۇل تۋرالى ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرۋ بارىسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى، دەپ حابارلايدى قازاقپارات.

«ءبىز بلوگەرلەردى جۋرناليستەرگە نەمەسە جەلىلىك باسىلىمدارعا تەڭەستىرۋدى ۇسىنعان بولاتىنبىز، الايدا قوعامداستىق قارسى پىكىر ايتىپ، ءبىز وسى نورمانى الىپ تاستادىق. مەنىڭ ويىمشا، ەشقانداي دا پروبلەما جوق. بۇدان بولەك، قازاقستاندا تىركەلگەن جەلىلىك باسىلىمدار اتالعان زاڭنامانىڭ نورمالارىمەن رەتتەلەدى. الەۋمەتتىك جەلىلەردەگى پابليكتەر زاڭمەن رەتتەلمەيدى. قازىرگى كەزەڭدە ءبىز ءبىر عانا باعىتتى كورىپ وتىرمىز، ياعني قازاقستان اۋماعىندا جاريالاناتىن قۇقىققا قايشى كونتەنتتى الىپ تاستاۋى ءۇشىن اتالعان پابليكتەردىڭ ادميندەرىمەن، جەتەكشىلەرىمەن جۇمىس ىستەيمىز»، - دەدى مينيستر.

ونىڭ سوزىنە قاراعاندا، كەيبىر بلوگەرلەردىڭ اۋديتورياسى ءبىرقاتار قازاقستاندىق ب ا ق- قا قاراعاندا باسىمىراق. سونىمەن قاتار ولارعا مەملەكەتتىك تاپسىرىس بەرىلمەيدى.

ايتا كەتەيىك، زاڭ جوباسى اياسىندا 4 كودەكس پەن 12 زاڭ جوباسىنا 200 دەن استام تۇزەتۋلەر ەنىگىزۋ جوسپارلانىپ وتىر.

«اشىق تالقىلاۋلاردىڭ ارقاسىندا زاڭ جوباسى ماڭىزدى ۇسىنىستارمەن تولىقتىرىلدى» - دەدى ابايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى