اقتوبەدە قالىڭدىعىنا رەنجىگەن جىگىت بوتەن قىزدى الىپ قاشپاق بولدى

بازار ماڭىندا كەزدەسكەن قىزعا ۇيلەنبەك بولعان جىگىت جاۋاپقا تارتىلادى، دەپ حابارلايدى قازاقپارات ءتىلشىسى.

اقتوبەدە قىز الىپ قاشىپ، ۇيلەنبەك بولعان جىگىتتىڭ جايىن وبلىستىق پروكۋراتۋرانىڭ اپپارات باسشىسى جاسۇلان داۋلەمبايەۆ ءوز پاراقشاسىندا ءتۇسىندىرىپ بەردى.

«حرومتاۋ اۋدانىنىڭ جىگىتى وتباسى مۇشەلەرىنە ءوزىنىڭ ۇيلەنەتىنىن ايتىپ، ولار تويعا دايىندالىپ جۇرگەن. ۋاقىت جاقىنداعان كەزدە قىز بەن جىگىت سوزگە كەلىپ قالىپ، قىز كۇيەۋگە شىعۋ تۋرالى ويىنان باس تارتقان. جىگىت ءوز تۋعان-تۋىستارىن رەنجىتپەۋ ءۇشىن الدىنان شىققان كەز كەلگەن قىزدى الىپ قاشپاق بولادى. وقيعا اقتوبە قالاسىنداعى ورتالىق بازار ماڭىندا بولعان. سول جەردە بازاردىڭ كۇزەتشىسى كورىپ، قىزدى الىپ قاشپاق بولعان ەكى جىگىتتى ۇستاپ الادى. ءىس تەرگەلىپ، سوتقا جىبەرىلدى»، - دەدى جاسۇلان داۋلەمبايەۆ.

اقتوبە وبلىستىق ىشكى ىستەر دەپارتامەنتىنىڭ ەلەك پوليتسيا ءبولىمى سوتالدى تەرگەۋ جۇمىسىن اياقتاپ، ءىستى سوتقا جىبەرگەنىن مالىمدەدى. ءى ءى د باسپا ءسوز قىزمەتىنىڭ حابارلاۋىنشا، قىز الىپ قاشپاق بولعان ەكى جىگىتكە قاتىستى قىلمىستىق ءىس تاياۋ كۇندەرى قارالادى.

اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى