مەملەكەتتىك قىزمەتشىلەردىڭ جالاقىسى بيىل وسە مە؟
بۇل تۋرالى بۇگىن حالىققا ەسەپ بەرۋ كەزدەسۋىندە قارجى ءمينيسترى باقىت سۇلتانوۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.
«وكىنىشكە وراي، مەملەكەتتىك قىزمەتشىلەردىڭ جالاقىسى بيىل كوتەرىلمەيدى. وتكەن جىلى وزدەرىڭىز بىلەسىزدەر، ازاماتتىق قىزمەتكەرشىلەردىڭ جاڭا جۇيەسىن ەنگىزگەن كەزدە دەنساۋلىق ساقتاۋ جانە ءبىلىم سالاسىنىڭ جالاقىسىنىڭ ءوسىمى تىركەلدى. سوندىقتان، ارى قارايعى جاعداي بيۋدجەتتىڭ مۇمكىنشىلىكتەرىنە قاراي قاراستىرىلادى. جالپى، بۇل ماسەلەگە وتە مۇقيات قاراۋىمىز كەرەك»، - دەدى قارجى ءمينيسترى.
ەسكە سالا كەتسەك، بۇگىن ق ر قارجى ءمينيسترى باقىت سۇلتانوۆ حالىققا ەسەپ بەرۋ كەزدەسۋىن وتكىزدى. وندا مينيستر 2016-جىلى اتقارىلعان جۇمىستاردى قورىتىندىلاپ، ونلاين جۇيەسىندە ءوڭىر تۇرعىندارىنىڭ سۇراقتارىنا جاۋاپ بەردى جانە مينيسترلىكتىڭ كەلەشەكتەگى جۇمىس جوسپارىمەن ءبولىستى.
