بوكس: «ارلاندار» كۇشەيەتىن بولدى

قازاقستان قۇراماسىنىڭ باس باپكەرى مىرزاعالي ايتجانوۆتىڭ ايتۋىنشا، WSB دوداسىنىڭ شەشۋشى باسەكەسىندە «ارلانداردىڭ» قاتارىنا ءادىلحان امانقۇل (75 كەلى)، ۆاسيلي لەۆيت (91 كەلى) جانە قامشىبەك قوڭقابايەۆ (91+ كەلى) قوسىلادى.

بۇل جاڭالىقتى ەستىگەن جانكۇيەرلەر كادىمگىدەي قۋانىپ قالدى. قازىرگى كەزدە ۇلتتىق كوماندامىز 25- تامىز بەن 3- قىركۇيەك ارالىعىندا گەرمانيانىڭ گامبۋرگ قالاسىندا وتەتىن الەم چەمپيوناتىنا قىزۋ دايارلانىپ جاتقانى وزدەرىڭىزگە ءمالىم.

سوعان سايكەس بارلىق بەلدى بوكسشىلاردىڭ جەكە دايىندىق باعدارلامالارى بار. سوعان قاراماستان ايتجانوۆ مىرزا ءۇش شاكىرتىنىڭ جوعارىدا اتالعان جارىستا جۇدىرىقتاسۋىنا رۇقسات بەرىپ وتىر.

15-شىلدەدە استانادا وتەتىن جارىستا قازاقستاندىق كوماندانى كۇشەيتۋگە ءتيىس ءۇش ورەننىڭ دە ەسىمى بارشا جۇرتقا جاقسى تانىس. ولاردىڭ ءارقايسىسىنا جەكە-جەكە توقتالاتىن بولساق، ۆاسيلي لەۆيت -  ريو وليمپياداسىنىڭ كۇمىس جۇلدەگەرى جانە ازيانىڭ ءۇش دۇركىن چەمپيونى. ءادىلحان امانقۇل مەن قامشىبەك قوڭقابايەۆ بيىلعى جىلعى ازيا بىرىنشىلىگىنىڭ جۇلدەگەرلەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى