ايگىلى ۆاسيلي جيروۆ استاناداعى مەشىتكە كەلىپ ايت نامازىن وقىدى

بۇل تۋرالى الەۋمەتتىك جەلىلەردە اقپاراتتار پايدا بولدى. كوپتەگەن جەلى قولدانۋشىلارى پاراقشالارىنا چەمپيونمەن تۇسكەن سۋرەتتەرىن جاريالاعان.

سپورتشى قازاقستاننان شىققان تۇڭعىش ۆەل باركەر كۋبوگىنىڭ يەگەرى. 1996 -جىلى وليمپيادا چەمپيونى اتانعان. كەيىن كاسىپقوي بوكسقا دا اۋىسىپ، ەل نامىسىن اسقاقتاتتى. شارشى الاڭدا «بالقاش بارىسى» دەگەن اتپەن تانىمال.

«كەشە ەرەكشە كۇن، ەرەكشە ايت بولدى! ءبارى ادەتتەگىدەي باستالعان. ءبىراق، ەڭ قىزىعى سول ۆاسيلي جيروۆ مەنىمەن ءبىر قاتاردا تۇرىپ، ومىرىندەگى العاشقى نامازىن وقىدى. ءارى تۋرا ايت كۇنىندە، استانانىڭ ورتالىق مەشىتىندە. ونى جىلى قارسى العان ادامداردىڭ بارلىعىنا راحمەت! ال نامازدان كەيىن جيىرما شاقتى ادام ايت مەرەكەسىن اتاپ ءوتۋ ءۇشىن ۇيگە جينالدىق. قۇران وقىلىپ، جاقسى سوزدەر ايتىلدى. اللا ءبىزدىڭ جۇرەگىمىزدى اشىپ، يمان سىيلاپ، وعان دەگەن سەنىمىمىزدى، ماحابباتىمىزدى كۇشەيتسىن! بارلىق قاتەلىكتەرىمىز بەن كۇنالارىمىزدى كەشسىن»، - دەپ جازادى رۋستام ابدۋسالاموۆ ەسىمدى قولدانۋشى ينستاگرام پاراقشاسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى