تەرىسى سالبىراعان مودەل: ءسان الەمىندە مەنىڭ دە كەزەگىم كەلىپ جەتتى - فوتو

بۇل اۋرۋ ادام اعزاسىندا كوللاگەن سينتەزىسىنىڭ اقاۋىنان تۋىندايدى. بىلايشا ايتقاندا، ونىڭ تەرىسى تەز جاراقاتتانادى، بۋىندارى مەن بۇلشىقەتتەرى ۇنەمى اۋىرادى. وسىنىڭ سالدارىنان سارا ءوزىنىڭ قاتارلاستارىنىڭ قاسىندا الدەقايدا ەگدە كورىنەدى، دەپ حابارلايدى The Sun.

سارا بالا كەزدەن باستاپ ءوزىنىڭ سىرت كەلبەتىنە نامىستاناتىن. ول ءوزىنىڭ سالبىراعان تەرەسىن جاسىرۋ ءۇشىن ۇنەمى قاپ سەكىلدى كەڭ كيىمدەردى كيۋگە ءماجبۇر بولدى. ال، دەنەسىنە جابىسقان كيىم كيسە، دەنەسىندە جاراقاتتار پايدا بولا باستاعان. باعىنا قاراي، ساراعا دوستارى مەن وتباسى مۇشەلەرى ۇنەمى قولداۋ كورسەتىپ كەلەدى.

«مەن جەتى جاسىمدا دەنەمدەگى وزگەرىستەردى بايقاي باستادىم، ال جاسىم 10 عا تولعاندا ماعان وسى دياگنوزدى قويدى. مەن ءوز-ءوزىمدى جەك كورە باستادىم» ​- سارا گەرتس

سارا 22 جاسقا تولعاندا ءوز سۇيىكتىسىمەن اراداعى قاتىناسىن ءۇزىپ، ءوز ءومىرىن تۇبەگەيلى وزگەرتۋگە بەل بۋادى. ول تاعدىرعا مويىنسۇنىپ، ءوزىنىڭ قازىرگى كۇيىن سول قالپىندا قابىلداۋدى ۇيرەنەدى. بۇل رەتتە، مۇنىڭ بارلىعى وعان وڭايعا تۇسپەگەنىن، قازىرگى كۇنىنە ءۇشىن قينالىس پەن كۇيزەلىسكە تولى ۇزاق جولمەن جەتكەنىن ايتىپ، سىرىمەن بولىسەدى. ەندىگى جەردە ول سالبىراعان تەرىسىن ءوزىنىڭ بۇل ومىردەگى باستى بايلىعى دەپ بىلەدى. وسىلايشا ول قۇربىسىنىڭ قولداۋىمەن ول ءسان الەمىنە جول تارتىپ، مودەل بولىپ قىزمەت ەتە باستادى. ەندىگى جەردە ونىڭ الدىنا قويعان ماقساتى -  ەلەرس - دانلوس سيندرومى سەكىلدى ەمى جوق اۋرۋ ءتۇرىنىڭ بار ەكەنىن جاھاننامعا جاريا ەتۋ بولىپ تابىلادى.

«ءسان الەمىندە وسىعان دەيىن البينوستار، ۆيتيليگو اۋرۋىنا شالدىققاندار جانە plus-size مودەلدەر بوي كورسەتىپ، الەمنىڭ نازارىن وزدەرىنە اۋدارا ءبىلدى. ەندى مەنىڭ كەزەگىم كەلىپ جەتكەن سياقتى»، - دەيدى سارا گەرتس.

دەرەككوزى: https://life.ru

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى