باتىس قازاقستاندىق پروكۋرورلار جۋرناليستەرگە ارناپ ءان ايتتى - كەسكىن
«ب ا ق قىزمەتكەرلەرىن ەلدىڭ كوزى، قۇلاعى، بەت-بەينەسى دەۋگە بولادى. ويتكەنى مەملەكەتتە اتقارىلىپ جاتقان قۇقىقتىق رەفورمالار، بارلىق جۇمىستار حالىققا جۋرناليستەر ارقىلى جەتەدى. بىلايشا ايتقاندا، ب ا ق حالىق پەن مەملەكەتتىك ورگاندار اراسىنداعى كوپىر ىسپەتتەس. سوندىقتان قاراپايىم اقپاراتتان باستاپ تەرەڭ تالداۋلارعا قۇرىلعان ماقالالارعا دەيىن ەلەۋسىز قالمايدى. ەلىمىزدەگى پروكۋراتۋرا سالاسىندا دا كوپتەگەن وزگەرىس-جاڭالىقتار بولىپ، تىڭ جوبالار قولعا الىنىپ جاتىر. سوندىقتان ب ق و پروكۋراتۋراسى جۋرناليستەرمەن اشىق جانە جاريا تۇردە جۇمىس جاساۋعا اركەز دايىن. قازىرگىدەي كەزەڭدە ءار اقپاراتتىڭ قولجەتىمدى بولۋى ماڭىزدى. وسى ورايدا جۋىردا ب ق و پروكۋرورىنىڭ جۇرتشىلىق جانە ب ا ق-پەن بايلانىس جونىندەگى كومەكشىسى لاۋازىمىن ەنگىزۋ ويلاستىرىلۋدا»، - دەدى وبلىس پروكۋرورى.
بۇدان كەيىن ساپاربەك ايتۋ ۇلى رەسپۋبليكالىق جانە وڭىرلىك ب ا ق وكىلدەرىنە العىسحاتتار مەن ەستەلىك سىيلىقتار تابىس ەتتى. بۇل جيىننىڭ ءبىر ەرەكشەلىگى، پروكۋراتۋرا قىزمەتكەرلەرى جۋرناليستەر ءۇشىن كونسەرت قويدى. ءان سالىپ، ولەڭ وقىعان، ءبي بيلەگەن پروكۋرورلارعا ب ا ق وكىلدەرى ريزاشىلىعىن ءبىلدىردى.
اۆتور: ەلجان ەرالى
