بەيبىت شۇمەنوۆ سپورتتىق مانسابىن اياقتاۋعا قاتىستى پىكىر ءبىلدىردى
«مەن وكىنىشكە وراي ءبىرىنشى اۋىر سالماقتاعى WBA چەمپيوندىق تيتۋلدان باس تارتتىم جانە كوزىمنىڭ جاراقاتىنا بايلانىستى بوكستان كەتتىم.
ارينە، مەنىڭ وسىلاي سپورتتان كەتىپ قالعاندىعىم وكىنىشتى. ءبىراق نە ىستەي الامىن، جاراقات ول بوكس سىنىنىڭ ءبىر بولىگى. مەنىڭ ءالى كۇنگە دەيىن كوزىم بۇلىڭعىراپ كورەدى. كەلەسى ايدا ماعان تاعى دا وپەراتسيا جاسايدى. سوندىقتان دا مەن جانىمدى ساۋداعا سالعىم كەلگەن جوق»، - دەدى شۇمەنوۆ.
ەسكە سالا كەتەيىك، بۇعان دەيىن جارتىلاي اۋىر سالماقتاعى قازاق بوكسشىسى بەيبىت شۇمەنوۆ 19 -ماۋسىمدا بۇكىلالەمدىك بوكس قاۋىمداستىعىنىڭ (WBA) شەشىمى بويىنشا جارتىلاي اۋىر سالماقتاعى WBA الەم چەمپيونى تيتۋلىنان ايىرىلدى. سول كۇنى بەيبىت جاتتىعۋدا العان جاراقاتىنا بايلانىستى بوكستان كەتەتىنى بەلگىلى بولدى.
