جەكەشەلەندىرۋدەن تۇسكەن قارجى تولىقتاي ۇلتتىق قورعا قۇيىلادى

 «جەكەشەلەندىرۋدەن الىنعان كىرىس بيۋدجەتكە ەمەس ۇلتتىق قورعا تۇسەتىن بولادى. بۇل ۇلتتىق قوردى تولىقتىرۋدىڭ تاعى ءبىر كوزى»، - دەدى ول كەزدەسۋ بارىسىندا قويىلعان سۇراققا جاۋاپ بەرە كەلە.

 ءمينيستردىڭ ايتۋىنشا، مەملەكەتتىك نىسانداردى جەكەشەلەندىرۋدەن تۇسەتىن قارجىنىڭ كولەمى ۇلكەن ەمەس. قازىرگى ۋاقىتتا ونىڭ ناقتى كولەمىن ايتۋ قيىن. دەگەنمەن، ول بىرنەشە ميلليارد تەڭگە كولەمىندە بولادى.

«قازىرگى ۋاقىتتا جەكەشەلەندىرۋ باعدارلاماسى اياسىندا ساتىلاتىن 585 ۇيىم قالىپ وتىر. ونىڭ 496-سىن 2017 -جىلى، ال 89-ىن 2018 -جىلى ساتۋ جوسپارلانعان. ءىرى كومپانيالارى ساتۋ ماسەلەسى تۇراقتى نەگىزدە قازاقستان ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيانىڭ وتىرىستارىندا قارالادى»، - دەدى ول.

 سونىمەن قاتار مينيستر «ەير استانا»، «قازاتوم ونەركاسىپ» «قازاق تەلەكوم»، «قازمۇنايگاز»، «قازپوشتا»، «قازاقستان تەمىر جولى»، «سامۇرىق- ەنەرگو» جانە «تاۋ- كەن سامۇرىق» كومپانيالارى حالىقتىق IPO - عا شىعارىلاتىندىعىن اتاپ ءوتتى. «اتالعان كومپانيالار شىعارىلاتىن باسىمدىقتى الاڭ رەتىندە استاناداعى حالىقارالىق قارجى ورتالىعى قاراستىرىلىپ وتىر. جۇزەگە اسىرۋ 2018 -جىلعا جوسپارلانعان. بۇل دايىندىق جۇمىستارىن، وڭتايلاندىرۋ شارالارىن جانە حولدينگتەردى ترانسوفرماتسيالاۋ قاجەتتىلىگىمەن بايلانىستى»، - دەدى سۇلەيمەنوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى