ۇكىمەت زەينەتاقى مەن الەۋمەتتىك جاردەماقىنى قايتا ەسەپتەدى
«2,1 ميلليوننان استام زەينەتكەر 1 - شىلدەدەن باستاپ جوعارى زەينەتاقى الادى. ناتيجەسىندە زەينەتاقىنىڭ كولەمى 2016 -جىلدىڭ 1- شىلدەسىندەگى كورسەتكىشپەن سالىستىرعاندا 20 پايىزعا دەيىن ارتادى. ەگەر، ەڭ تومەنگى زەينەتاقى 2017 -جىلدىڭ 1- قاڭتارىنان باستاپ 40950 تەڭگە بولسا، 2017 -جىلدىڭ 1- شىلدەسىنەن باستاپ 45711 تەڭگەنى قۇرايتىن بولادى. سالىستىرىپ قاراساق، 2016 -جىلى ەڭ تومەنگى زەينەتاقى كولەمى - 37789 تەڭگە بولعان ەدى»، - دەلىنگەن حابارلامادا.
بارلىق زەينەتكەرلەردىڭ زەينەتاقىسى قايتا ەسەپتەلىنەتىنى اتالىپ ءوتىلدى. سونداي- اق، ول ءۇشىن قوسىمشا قۇجاتتار قاجەت ەمەس. انا مەن بالاعا قولداۋ كورسەتۋ بويىنشا مەملەكەتتىك ساياسات اياسىندا 1- شىلدەدەن باستاپ بالا تۋعاندا بەرىلەتىن ءبىر جولعى جاردەماقى مولشەرى 20 پايىزعا وسەدى. ءبىرىنشى، ەكىنشى جانە ءۇشىنشى بالاعا بەرىلەتىن جاردەماقى سوماسى 38 ا ە ك نەمەسە 86222 تەڭگە، ال ءتورتىنشى جانە ودان كەيىنگى بالالارعا - 63 ا ە ك نەمەسە 142 947 تەڭگە بولادى.
