الەم عاجايىپتارى: جۇلدىز جاۋعان كۇن
بۇل قۇبىلىس نوۆوگراد قالاسىندا قايتالانادى. 1933 -جىلعى «جۇلدىزدىڭ اعۋى» ەۋروپا مەن افريكادا قايتالانىپ ادامداردىڭ سەنىمى كۇشەي باستادى. بۇل كورىنىستەردى ادامدار عالامشاردا بىزگە بەلگىسىز اپاتتار بولىپ جاتىر دەپ ءتۇسىندى. قازىرگى كۇندە جۇلدىزداردىڭ ءبۇيتىپ جاڭبىرشا جاۋۋىنا دەگەن كوزقاراس تەك جۇرتتىڭ اڭگىمەسىندە عانا ساقتالىپ قالعان. اسپانداعى ۇلكەن دەنەلەر - جۇلدىزدار مەن پلانەتالاردان باسقا الەمدە كوپتەگەن ۇساق دەنە دە ۇشىپ جۇرەدى: بۇلار مەتەور دەنەلەرى دەپ اتالادى. ولاردىڭ كوبى كۇن جۇيەسى شەڭبەرىندە ءار ءتۇرلى باعىتتا جىجيدى، كەيبىرەۋلەرىنىڭ سەكۋندىنا ونداعان كيلومەتر جىلدامدىقپەن ءبىزدىڭ پلانەتامىزدىڭ اتموسفەراسىنا ۇشىپ كەلىپ ەنۋى ءجيى كەزدەسەدى. مۇندا ولار اۋامەن ۇيكەلىسىپ، لاپىلداپ جانادى دا، جەرگە جارىق تۇسىرەدى. اۋادا ءجۇرىپ بىرتە- بىرتە قيرايدى دا، گازعا جانە ۇساق توزاڭعا اينالادى.
ارىستان شوق جۇلدىزى ورنالاسقان اسپان كەڭىستىگىندە جۇلدىزداردىڭ جاڭبىرشا جاۋۋى اۋىق- اۋىق بولىپ تۇراتىن قۇبىلىس ەكەنى ەرتە زاماننان- اق بايقالعان. ول ءاربىر وتىز ءۇش جىلدا بولىپ تۇراتىن قۇبىلىس. سوڭعى رەت 1966 -جىلعى قاراشادا ورىن الدى. وسى رەتتە ادامنىڭ ءوز قولىمەن جاساعان ەڭ قىزىقتى جۇلدىز جاڭبىرى تۋرالى ايتىپ كەتكەندى ءجون كوردىك. 1958 -جىلى 14 -ءساۋىر كۇنى كاريب تەڭىزىندەگى باربادوس ارالىنىڭ تۇرعىندارى ونى ءوز كوزدەرىمەن تاماشالادى. ال 1957 -جىلى 3 قاراشادا كسرو اسپانعا ۇشىرىلعان جەردىڭ ەكىنشى جاساندى سەرىگىنىڭ قالدىقتارى بولاتىن. نەگىزىندە جۇلدىز جاڭبىرى جەر بەتىنە جەتپەيدى. ونىڭ ميكروبولشەكتەرى اۋادا تولىق جانىپ كەتەدى. دەگەنمەن الەم عاجايىپقا تولى. ءبارى دە بولۋى مۇمكىن.. .
Massaget.kz
