قازاق قىزدارىنىڭ سۇلۋلىعى شابىتتاندىرادى - امەريكالىق سۋرەتشى
لەيننىڭ قويىن داپتەرىندەگى سۋرەتتەردىڭ باسىم بولىگىندە قازاق حالقىنىڭ ۇلتتىق ويىندارى، ۇلتتىق كيىمدەگى قازاق قىزدارى، بۇركىت، ات، تۇيە بەينەلەنگەن. «مۇندا ءوتىپ جاتقان شارالاردان العان اسەرىم وتە مول. قازاق حالقى قوناقجاي، كىشىپەيىل حالىق. ءار قازاقتىڭ جۇزىنەن جىلىلىق بايقاۋعا بولادى. اسىرەسە قازاقتىڭ قىزدارى وتە سۇلۋ. ولاردىڭ سۋرەتىن سالا بەرگىڭ كەلەدى، شىعارماشىلىق ادامى ءۇشىن ەرەكشە شابىت سىيلايدى. مەن ءتىپتى شاشىمدى ناعىز قازاق قىزدارىنا ەلىكتەپ قوس بۇرىمدى ەتىپ ءورىپ الدىم، - دەيدى امەريكالىق سۋرەتشى.
ەلوردانىڭ ءار تۇسىندا ءوتىپ جاتقان مادەني مەرەكەلىك شارالاردىڭ ىشىندە لەينگە ەرەكشە ۇناعانى - استانانىڭ تورىندە ەكى اپتادان بەرى قازاقتىڭ سالت- ءداستۇرى مەن ۇلتتىق مادەنيەتىنىڭ قايناعان ورتاسىنا اينالعان ەتنواۋىل. «بۇل جەردەگى ون ساۋساعىنان بال تامعان قولونەر شەبەرلەرىنىڭ تۋىندىلارى مەن قازاق حالقىنىڭ زەرگەرلىك بۇيىمدارى ەرىكسىز نازار اۋدارتادى. ءار حالىق ءوزىنىڭ ۇلتتىق بولمىسىمەن عانا ەرەكشەلەنەدى ەمەس پە؟ ! مۇنداعى قولونەرشىلەردىڭ تۋىندىلارىنا قاراپ، حالىقتىڭ ەستەتيكالىق تالعامىنىڭ جوعارىلىعىن اڭعارۋعا بولادى» ، - دەيدى لەين.
اۆتور: ەركەجان ساعيمۇرات
