ءبىر ۇ ب ت تاپسىرعاننان ون رەت ايتىسقان وڭاي ما دەپ قالدىم - اينۇر تۇرسىنبايەۆا
العاشقىسىن ۇ ب ت- نى مەكتەپ اتتەستاتىن الۋ ءۇشىن، ال ەكىنشىسىن وقۋعا ءتۇسۋ ءۇشىن تاپسىرادى. بۇل دەگەنىڭىز - ۇ ب ت تاپسىراتىن تالاپكەر مەن ونىڭ اتا-اناسى ءۇشىن ۋايىمنىڭ ەكى ەسە كوبەيگەنى. پەرزەنتى ءۇشىن ۋايىمداپ، تۇلەكتەر ۇ ب ت تاپسىراتىن قورعاندى «قاراۋىلداعان» اتا-انانىڭ قاتارىندا اقىن اينۇر تۇرسىنبايەۆا دا بار.
بۇل تۋرالى Stan.kz حابارلايدى.
اينۇر تۇرسىنبايەۆا ۇلى بەكلاننىڭ سىناقتان امان-ەسەن وتكەنىن جانە ودان 103 ۇپاي جيناعانىن ايتتى. ەمتيحان بارىسىندا جانىن شۇبەرەككە ءتۇيىپ وتىرعان انا ۋايىمعا سالىنعانىن جاسىرمادى.
«ءبىر ۇ ب ت تاپسىرعاننان ون رەت ايتىسقان وڭاي ما دەپ قالدىم. باۋىر ەتىڭ بالاڭا جانكۇيەر بولۋ دەگەن نەتكەن قيىن ەدى. جۇرەكتەن جۇرەك قالمادى. قۇداي ساقتاپ ءبىزدىڭ كەزىمىزدە ۇ ب ت بولمادى، ابىرويدان جۇرداي بولار ما ەدىك دەپ قويام. قايتا قازىرگى بالالار پىسىق. بەكلانمەن كىشكەنتايدان بىرگە وسكەن دوستارى ءۇشىن دە جانىم اۋىردى. بالاڭمەن بىرگە وسكەن بالانى دا ءوزىڭ تۋعانداي جاقسى كورەدى ەكەنسىڭ. اتا-انالاردىڭ بۇگىنگى چاتىن وقىساڭىزدار عوي. بالالارىمىزدى ۇ ب ت- عا ەمەس، سپەتس. زادانيەگە جىبەرگەندەي شۋلادىق تا وتىردىق. ءبىزدىڭ ۇيدە كەشەدەن بەرى قىزۋ جينالىس. «بەكلان ۇيىقتاسىن»، «بەكلان ءىشسىن»، «بەكلان جەسىن»، «بەكلاننىڭ مازاسىن الماڭدار» سودان تاڭەرتەڭ سوعىسقا كەتىپ بارا جاتقانداي قيماي شۋىلداپ، اق تىلەگىمىزدى، كىشكەنە اقىلىمىزدى ايتىپ جىبەرگەنبىز.
«ماما، ءبارى كەرەمەت بولادى» دەپ سەنىمدى كەتىپ ەدى. 103 بالل الىپ كەلدى. «ازداۋ ەمەس پە» دەپ ەدىم، «مەن ءۇشىن بۇل كوپ، بۇدان ارتىققا ميىم جەتپەيدى» دەپ قىسقا قايىردى. ە بوپتى دەدىك. بۇيىرعانى! ەندى جوعارى وقۋعا دايىندالامىز. جوق، ۇيلەندىرە سالسام با ەكەن دەپ پا»، - دەپ جازدى تانىمال اقىن.
بۇدان وزگە، تۇرسىنبايەۆا سىناق تاپسىرىپ جاتقان تالاپكەرلەرگە اقىل-كەڭەسىن ايتتى. ول ءومىردىڭ ۇ ب ت- مەن توقتاپ قالمايتىنىن تىلگە تيەك ەتتى.
«جالپى بۇگىنگى كۇننەن بايقاعانىم جاقسى وقىعانداردىڭ ەمەس، ءوز- وزىنە سەنىمدى بولعانداردىڭ جولى بولدى. ياعني، قاشاندا سەنىمدى جانە سابىرلى بولعان ادام ءبارىن جەڭەدى! مەكتەپ ءبىتىرىپ جاتقان بالاپانداردىڭ بارلىعىن انالىق اق جۇرەگىممەن قۇتتىقتايمىن! بولاشاقتارىڭ جارقىن بولسىن! ۇ ب ت- دان تومەن بال الدىق دەپ مويىماڭدار. اللا نەسىبەنى ۇ ب ت- مەن بەرمەيدى! پەيىلگە بەرەدى. قاي كلاستى الىپ قاراساڭ دا ناشار وقىعان بالالار بيزنەس جاساپ، ءوز الدىنا تىرشىلىك جاساپ كوتەرىلىپ العان عوي، بايقايسىزدار ما؟! ستاروستا بولىپ پىسىقسىنىپ، قاتتى وقىپ جۇرگەندەردىڭ اراسىندا سول اۋىلداعى اكىمشىلىكتىن اينالاسىندا پاپكا كوتەرىپ قالىپ كەتكەندەر كوپ.
2-3 ديپلوممەن بالا-شاعاسىن اسىراي الماي جۇرگەندەر قانشاما؟! ارينە، ءبىلىم كەرەك. ءبىراق ۇ ب ت- عا بولا جىلاپ- سىقتاۋدىڭ دىم كەرەگى جوق. ءبارىن اللاعا تاپسىرىڭىزدار، تەك قانا العا»، - دەپ تۇيىندەدى ءسوزىن ول.
