قازاقستانعا سيرەك كەزدەسەتىن قۇستاردى تاسىمالداعان قىلمىستىق توپ ۇستالدى
ۆەدومستۆونىڭ اقپاراتىنا قاراعاندا، توپ مۇشەلەرى ومبى وبلىسىنىڭ اۋماعىنان قازاقستانعا رەسەيدىڭ قىزىل كىتابىنا ەنگىزىلگەن اسا باعالى سۇڭقار تەكتەس (اقسۇڭقار، يتەلگى) قۇستاردى تاسىمالداعان، دەپ حابارلايدى ر ي ا نوۆوستي.
«قىلمىستىق توپ مۇشەلەرى 2016-جىلدىڭ 3- قاراشاسىنان 2016-جىلدىڭ 6- جەلتوقسانىنا دەيىنگى ارالىقتا تاياۋ شىعىس ەلدەرىنە قۇستاردى 500 مىڭ دوللاردان استام سوماعا ساتۋ ارقىلى پايدا تابۋ ماقساتىمەن 13 اقسۇڭقار مەن يتەلگىنى كونتراباندالىق جولمەن تاسىمالداعان. قۇستار تاسىمالى رەسەي-قازاقستان شەكاراسىنىڭ قيىلىسىنا دەيىن اۆتوكولىك جۇرگىزۋشىلەرىنىڭ قاتىسۋىمەن جۇزەگە اسىرىلعان»، - دەلىنگەن حابارلامادا.
