قازاقستاننىڭ كاسىبي بوكسشىلارىنىڭ الداعى ايقاستارى
قازاقستان كاسىبي بوكسى جوباسىنىڭ فەيسبۋكتەگى پاراقشاسىنىڭ حابارلاۋىنشا، 8- شىلدە كۇنى يسپانيانىڭ بيلباو قالاسىندا قازاقستاندىق بوكسشى ەرجان زاليلوۆ كاسىبي رينگتەگى كەزەكتى جەكپە-جەگىن وتكىزەدى. ونىڭ قارسىلاسى ازىرگە انىقتالعان جوق.
ايتا كەتەيىك، سوڭعى رەت 17- ناۋرىز كۇنى رەسەيدە وتكەن ايقاستا زاليلوۆ تورەشىلەردىڭ ءبىراۋىزدان بەرگەن شەشىمىمەن وزبەكستاندىق بوكسشى حۋمويۋن رۋستاموۆتى جەڭگەن بولاتىن.
ول بارلىق 7 جەكپە-جەگىندە جەڭىسكە جەتتى. ەكى ايقاس بەلگىلەنگەن ۋاقىتتان بۇرىن اياقتالدى.
بولاشاعىنان زور ءۇمىت كۇتتىرەتىن قازاقستاندىق بوكسشى مەيىرىم نۇرسۇلتانوۆ ءوزىنىڭ كەلەسى جەكپە-جەگىن 15- شىلدە كۇنى ينگلۆۋدتە (ا ق ش- تىڭ كاليفورنيا شتاتى) وتكىزەدى.
قارسىلاسىنىڭ ەسىمى ازىرگە اتالعان جوق. بۇل كەشتىڭ باستى وقيعاسى العاشقى جەڭىل سالماقتا مەكسيكالىق ميگەل بەرچەلت (31-1, 28 ك و) پەن جاپوندىق تاكاشي ميۋروي (31-3-2، 24 ك و) اراسىنداعى WBC نۇسقاسى بويىنشا الەم چەمپيونى تيتۋلىنا تالاس بولماق.
اتالعان شوۋدىڭ كەلەسى جەكپە-جەگىندە وسى سالماقتاعى WBA Super چەمپيونى پانامالىق بوكسشى دجەزريل كوررالەس (21-1, 8 ك و) بەلبەۋىن قورعاۋ ايقاسىندا مەكسيكالىق روبينسون كاستەللانوسقا (24-12, 14 ك و) قارسى شىعادى.
23 جاستاعى نۇرسۇلتانوۆتىڭ ۇلەسىندە كاسىبي رينگتەگى ەكى جەكپە-جەكتەن العان ەكى جەڭىسى (1 ك و) بار. قازاقستاندىق بوكسشى ورتا سالماق ساناتىندا شىعادى (160 فۋنتقا دەيىن - 72,6 ك گ).
مۇسا تۇرعىناليەۆ ا ق ش- تا كاسىبي رينگتەگى العاشقى ايقاسقا قاتىسپاقشى. سونىمەن قاتار، ايدار شارىبايەۆ كەلەسى جەكپە-جەگىندە چەمپيوندىق بەلدىككە تالاسادى. اۋەسقوي بوكستا 250 كەزدەسۋ وتكىزگەن. وسىدان ءۇش جىل بۇرىن كاسىپقوي بوكسقا ويىسقان جىگىت، 6 جەكپە-جەك وتكىزىپ، بارلىعىندا جەڭىس تۇعىرىنان كورىندى. ونىڭ ىشىندە بەس قارسىلاسىن نوكاۋتپەن سۇلاتتى.
ايدار العاش كارەراسىن باستاعان تۇستا تاعى ءبىر قازاقستاندىق كاسىپقوي بوكسشى قانات يسلامنىڭ سپاررينگ-قارسىلاسى بولىپ، ونىمەن بىرگە شەتەلدەگى وقۋ-جاتتىعۋ جيىندارىندا قاتار ءجۇردى. ەكسپو-2017 كورمەسى اياسىندا ايدار INTERCONTINENTAL تۇجىرىمى بويىنشا چەمپيوندىق بەلدىككە تالاسادى.
جاۋاپتى باسەكەگە تىڭعىلىقتى دايىندالىپ، وقۋ-جاتتىعۋ جيىندارىن وتكىزۋ ءۇشىن ايدار ا ق ش- قا اتتانادى. ايداردىڭ چەمپيوندىق بەلدىككە تالاساتىن قارسىلاسىنىڭ ەسىمى ازىرگە بەلگىسىز.
