گولوۆكين لوندون مەن ا ق ش- تاعى پرەسس-تۋردىڭ ۆيدەوسىن جاريالادى - كەسكىن

ءبىر اپتانىڭ ىشىندە GGG ءوزىنىڭ كەلەسى قارسىلاسى - ساۋل الۆارەسپەن بىرگە لوندون، نيۋ- يورك جانە لوس- انجەلەستى ارالاپ، باسپا ءسوز- ءماسليحاتتارىن وتكىزدى، دەپ حابارلايدى قازاقپارات ءتىلشىسى. پرەسس- تۋر بارىسىندا ەكى بوكسشى بىرنەشە باعدارلاماعا دا قاتىسىپ، سۇحبات بەرگەن بولاتىن. "ەكى جىل بۇرىن وسى جەكپە-جەك بولا ما، جوق پا، ەشكىم بىلمەدى. "كانەلو" دا جاستاۋ بولدى.

ءبىراق مەن ىشتەي سەندىم، وسى جەكپە-جەكتىڭ ەكەۋىمىزگە كەرەك ەكەنىن سەزدىم. ساۋل ءوز ەلىنىڭ ۇلتتىق باتىرىنا اينالدى. مەنى دە ءوز جەرىمدە قاتتى سىيلايدى. بىلمەيمىن، سۋپەرمەن با، تەمىر ادام سياقتى ما، حالىقتىڭ قوشەمەتى كۇشتى. بۇل تاماشا جەكپە- جەك بولادى. ءبىز ءۇشىن، حالىق ءۇشىن»، - دەيدى گەننادي گولوۆكين.

ايتا كەتەيىك، گولوۆكين - الۆارەس جەكپە- جەگى 16 -قىركۇيەكتە لاس- ۆەگاستىڭ "T- Mobile Arena" سپورت كەشەنىندە وتەدى. ۋاقىت ايىرماشىلىعىنا بايلانىستى اتالعان جەكپە- جەك قازاقستاندا 17 -قىركۇيەك كۇنى تاڭعى ساعات 9:00 دە تىكەلەي ەفيردەن كورسەتىلەدى. بۇعان دەيىن گەننادي گولوۆكين الەۋمەتتىك جەلىدەگى ءوزىنىڭ پاراقشاسىندا مەكسيكالىق جانكۇيەرلەرىنە ارنالعان ۆيدەونى جاريالاعان بولاتىن. ول جاقتا دا GGG- دىڭ فاناتتارى بارشىلىق.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى