امەريكالىقتار ديماشتىڭ «سالەم» انىنە فان- كليپ ءتۇسىردى - كەسكىن
Austin Ma ەسىمدى YouTube-پايدالانۋشىسى جۇكتەگەن ۆيدەونى Facebook-تەگى ءوز پاراقشاسىندا ءانشىنىڭ اكەسى قانات ايتبايەۆ ءبولىستى.
«ديماشتىڭ «باستاۋ» اتتى كونسەرتىنە دايارلانعان «سالەم!» ءانى. مۋزىكاسى - ديماش قۇدايبەرگەن، ءسوزى - قانات ايتبايەۆ. امەريكالىق جانكۇيەرلەردىڭ جاساعان روليگى»، - دەپ جازدى ول.
بەينە- روليك ا ق ش- تىڭ وگايو شتاتىنداعى تسينتسينناتي قالاسىندا تۇسىرىلگەن. ءبىر توپ جاستار «سالەم» كومپوزيتسياسىنىڭ اۋەنىنە بيلەپ، كوڭىل كوتەرەدى، كولىكپەن سەرۋەندەيدى. ءتۇسىرىلىم بارىسىندا #Dimash USA حەشتەگى جارنامالانادى.
ەسكە سالايىق، ديماش قۇدايبەرگەننىڭ «باستاۋ» كونتسەرتىنىڭ باستالۋىنا 10 كۇن قالعاندا فان-كليپتەردىڭ بايقاۋى جاريالاندى. وسىلايشا، ديماشتىڭ جانكۇيەرلەرىنە شوۋ-كونسەرتكە اتسالىسۋ ۇسىنىلدى. «BASTAU شوۋ- كونتسەرتىنە 10 كۇن قالدى! ەگەر ءسىز دە كونسەرتتىڭ ءبىر مۇشەسى بولعىڭىز كەلسە، ءوز قالاڭىزدىڭ ورتاسىندا ديماشتىڭ جاڭا ءانىن ايتىپ، وسىنداي ۆيدەو ءتۇسىرىپ، بىزگە جولداڭىز. fundimash@gmail.com نەمەسە #FanDQ xەشتەگى ارقىلى الەۋمەتتىك جەلىگە جاريالاۋعا بولادى. كونسەرتكە كەلە الماساڭىز دا، Astana Aren ەكراندارىنان ءوزىڭىزدى ديماشتىڭ جەكە كونسەرتىندە كورۋگە ۇلكەن مۇمكىندىك بار! بۇل ۆيدەونى استانادا (مىسال رەتىندە) ارنايى سىزدەر ءۇشىن ءتۇسىردىم! ال كەتتىك!»، - دەپ جازعان بولاتىن ديماش Instagram-داعى ءوز پاراقشاسىندا.
ەسكە سالايىق، «باستاۋ» كونتسەرتى ەكسپو-2017 حالىقارالىق كورمەسى اياسىندا 27- ماۋسىم كۇنى ەلورداداعى «استانا ارەنا» ستاديونىندا وتەدى. ديماش قۇدايبەرگەن كونسەرتكە قاتىساتىن انشىلەردى كوپشىلىككە جاريالاعان بولاتىن. ولار - قىتايدىڭ بەلگىلى ءانشىسى تەرري لين، ەۆروۆيدەنيا-2012 بايقاۋىنىڭ جەڭىمپازى لورين (شۆەتسيا)، ۇلى بريتانيا ءانشىسى سوفي ەليس بەكستور، كريستينا ورباكايتە (رەسەي) جانە قازاقستاننىڭ ەڭبەك سىڭىرگەن ءارتىسى، وپەرا ءانشىسى مايرا مۇحامەد قىزى. سونداي-اق ديماش قۇدايبەرگەن استانادا وتەتىن اقتوبە وبلىسىنىڭ مادەنيەت كۇندەرى اياسىندا 26- ماۋسىمدا ەكسپو-قالاشىعىنىڭ امفيتەاترىندا ونەر كورسەتەدى. وعان سونىمەن قاتار قازاق ەستراداسىنىڭ جۇلدىزدارى مەن اقتوبە وبلىسىنىڭ شىعارماشىلىق ۇجىمدارى قاتىساتىن بولادى.
اۆتور: ميرا تولەندى قىزى
