ەسىل وزەنىنىڭ جاعالاۋىندا ەلەكتروكاتاماراندار مەن ەرەكشە ءدامحانا پايدا بولدى - فوتو
ەلورداداعى جاڭاشىلدىقتارمەن فەيسبۋكتەگى ءوز پاراقشاسىندا سارىارقا اۋدانىنىڭ اكىمى ارمان تۇرلىبەك ءبولىستى.
«قوعامدىق كەڭىستىك ايماقتارىن دامىتۋ بويىنشا جاساپ جاتقاندارىمىزدىڭ بارلىعىن Place making (قوعامدىق جايلى ورىنداردى قۇرۋ) ءپرينتسيپى بويىنشا قۇرۋدامىز. كوپتەگەن تۇرعىندار ءۇشىن سۋدا سەرۋەندەۋدىڭ بيىلعى ماۋسىمى يننوۆاتسيالىق ەلەكترو-كاتاماراندارمەن ەستە قالماق، ونىمەن كەز كەلگەن ادام قىدىرا الادى»، - دەپ جازدى تۇرلىبەك.
ونىڭ ايتۋىنشا، دەمالۋشىلار 8 ادامعا ارنالعان زاماناۋي كاتامارانداردىڭ قولجەتىمدى باعاسى مەن جايلىلىعىنا وڭ باعالارىن بەرىپ ۇلگەردى.
«ەسىل جاعاسىندا وتە جايلى تاعى ءبىر قوعامدىق كەڭىستىك الاڭى پايدا بولدى. جاس كاسىپكەر جانبولات ماراتوۆ وسى ۋاقىتقا دەيىن بوس بولىپ كەلگەن جانە كوپتەگەن دەمالۋشىلاردىڭ نازارىنا ىلىكپەگەن جەردەن Toffee Waffle - كوشە ءدامحاناسىن اشۋدى ۇسىندى. بۇگىندە ەلوردا تۇرعىندارى مەن قوناقتارى ءۇشىن بيىك 30 ورىندىق ورنالاستىرىلدى. ەندى، بۇل جەردە ءدامدى تاعامداردان اۋىز ءتيىپ، دوستارمەن كەزدەسىپ قانا قويماي، ەسىلدىڭ اسەم كەلبەتى مەن كەشكى فونتان-شوۋىن تاماشالاۋعا بولادى»، - دەپ حابارلادى ا. تۇرلىبەك.
ەسكە سالايىق، بىرەر كۇن بۇرىن ەسىل وزەنىنىڭ جاعالاۋىندا ق. مۇڭايتپاسوۆ اتىنداعى وقۋشىلار سارايىنىڭ الدىنداعى الاڭدا اسپان استىنداعى كينوتەاتر پايدا بولدى. كەلۋشىلەرگە ورىندىقتارمەن بىرگە، ۇلتتىق ناقىشتا تىگىلگەن كورپەشەلەر ۇسىنىلۋدا.
سارىارقا اۋدانى اكىمىنىڭ فەيسبۋككە سالعان سۋرەتتەرىنەن بۇل يدەيا ەلوردالىقتاردىڭ كوڭىلىنەن شىققانىن كورۋگە بولادى. سونداي-اق استانادا دەمالىس كۇندەرى يوگادان جاتتىعۋلار ءوتىپ تۇرادى. كوپشىلىككە ارنالعان تەگىن شارانى سارىارقا اۋدانىنىڭ اكىمدىگى قايىرىمدىلىق قورى ۇيىمداستىرۋدا. «كەلەسى جاتتىعۋلار جەكسەنبى كۇنى ساعات 09.00-دە «استانا» كونسەرتىنىڭ ارتقى الاڭىندا وتەدى»، - دەپ جازدى اۋدان اكىمى.
اۆتور: ميرا تولەندى قىزى
