قازاقستاندىق كومپانيالار اركتيكادا ءىرى مۇناي جوبالارىنا قاتىسۋدا

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «سەنترازيا گرۋپ» ج ش س باسقارماسىنىڭ ءتوراعاسى، قازاقستان مۇناي سەرۆيستىك كومپانيالار وداعىنىڭ ءتورالقا مۇشەسى الماس قۇدايبەرگەن ءمالىم ەتتى، دەپ حابارلايدى قازاقپارات.

 ونىڭ سوزىنشە، مۇناي- گاز قۇرىلىسىنىڭ نارىعى تەڭىز، قاشاعان جانە قاراشىعاناق جوبالارىنىڭ جالپى قۇنى جىلىنا ميلليارد دوللار بولاتىن جۇمىسىمەن باعالانادى.

 ​ «​​​​​​​​​​مۇناي- گاز قۇرىلىسى مەن ينجينيرينگ سالاسىندا 70 مىڭ ادام جۇمىس اتقارىپ كەلەدى. ​​​​​​​​​​​جەڭىل جانە ورتا كۇردەلى جۇمىستاردا نەگىزىنەن قازاقستاندىق كومپانيالار باسىم. ​​​​​​​​​قازاقستاندىق كومپانيالار مۇناي- گاز قۇرىلىسىندا جىلىنا 120-150 ميلليون دوللاردى قۇرايتىن جۇمىستى اتقارا الادى. تەحنولوگيالىق كۇردەلىلىگى اۋقىم قۇرىلىس جۇمىستارىنا نەگىزىنەن شەتەلدىك مەردىگەرلەر قاتىستىرىلادى، الايدا بىرلەسكەن كاسىپورىنداردىڭ اشىلۋى باعىتىنا قاراي ترەند قالىپتاسىپ كەلەدى. ​​​​​قازاقستاندىق كومپانيالار ءۇشىن رەسەيدەگى مۇناي- حيميالىق جوبالاردى يگەرۋگە مۇمكىنشىلىكتەر تۋىنداۋدا. بۇگىنگى تاڭدا  1500 قازاقستاندىق ازامات يامالداعى (اركتيكا) جۇمىسقا تارتىلعان»، - دەپ اتاپ ءوتتى ول.

 ا. قۇدايبەرگەننىڭ ايتۋىنشا، يامالداعى جوبا سولتۇستىك مۇزدى مۇحيتىنىڭ جاعاسىندا جۇزەگە اسىرىلۋدا جانە وعان 2 مىڭعا تارتا ادام تارتىلعان، ونىڭ ىشىندە 1500 ادام - قازاقستاندىقتار. «ءبىزدىڭ كومپانيالاردىڭ ءبىرى ول جوبادا قوسالقى مەردىگەر رەتىندە ەنىپ وتىر جانە ەلەكترمونتاج جۇمىستارىمەن اينالىسىپ جاتىر»، - دەدى ول.

 باسپاءسوز ءماسليحاتىندا ءمالىم ەتىلگەنىندەي، يامالداعى جۇمىستار قىزعان شاقتا 35 مىڭنان استام جۇمىسقا تارتىلادى. سول كەزدە قازاقستاندىق كومپانيالار اتالمىش جوباداعى ءوز ۇلەسىن دە ارتتىرۋدا كوزدەۋدە.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى