سىرتتاعى قانداستارىمىزدىڭ قازاق تىلىندە ءبىلىم الۋىنا جاعداي جاسالادى - نازاربايەۆ
بۇل تۋرالى بۇگىن دۇنيەجۇزى قازاقتارىنىڭ قۇرىلتايى بارىسىندا ق ر پرەزيدەنتى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات.
«سىرتتا جۇرگەن باۋىرلارىمىزدىڭ ءبىر بولىگى - جاستار. ولار اسسيميلياتسياعا ءتۇسىپ، انا ءتىلىن ۇمىتىپ بارادى. ءبىز بۇعان ارا ءتۇسۋىمىز كەرەك. ۇكىمەت شەتەلدەگى قانداستارىمىز ىقشام ورنالاسقان وڭىرلەردە ولاردىڭ انا تىلىندە ءبىلىم الۋ مۇمكىندىكتەرىن قاراستىرۋى كەرەك. قىسقا مەرزىم ىشىندە قازاق دياسپوراسىن گۋمانيتارلىق باعىتتاعى ادەبيەتتەرمەن، وقۋلىقتارمەن، ادىستەمەلىك قۇرالدارمەن قامتاماسىز ەتۋدى تاپسىرامىن. بۇل ونشا قيىن جۇمىس ەمەس. ءبىز ءوز ىشىمىزدە جاساپ جاتىرمىز، ءبىراز كوبەيتىپ، اعايىندارعا قول ۇشىن بەرۋىمىز قاجەت»، - دەپ اتاپ ءوتتى پرەزيدەنت قۇرىلتاي بارىسىندا.
ايتا كەتەيىك، استانادا ەلباسى نۇرسۇلتان نازاربايەۆتىڭ قاتىسۋىمەن دۇنيەجۇزى قازاقتارىنىڭ V قۇرىلتايى ءوتىپ جاتىر.
